Фарғона вилояти Бувайда туманида содир бўлган йўл-транспорт ҳодисаси оқибатида икки бола жароҳат олди, деб хабар беради вилояти ИИБ ахборот хизмати.
Маълум қилинишича, 2023 йил 27 март куни вояга етмаган И.Ш. Nexia-3 русумли автомашинада туманнинг “Бачқир” қишлоғи ҳудудида ҳаракатланиб бораётиб, бошқарувни йўқотиши оқибатида йўл четида ҳаракатланиб келаётган пиёдаларни уриб юборган.
Шунингдек, мазкур транспорт воситаси йўл четида тўхтаб турган фуқаро Т.У.га тегишли Nexia-3 русумли автомашинага бориб урилиб, йўл-транспорт ҳодисаси содир этган.
Суд тиббий экспертизасининг 6 апрелдаги хулосасида пиёда Т.И. ёпиқ калла мия жароҳати, бош энса суяги синиши, энса соҳасининг эзилиб йиртилиши каби ҳаёт учун хавфли, оғир тан жароҳати олгани кўрсатилган.
Ҳодиса оқибатида ҳар иккала Nexia-3 автомашиналари ҳам турли даражада шикастланган.
Мазкур ҳолат юзасидан Бувайда тумани ИИБ ҳузуридаги тергов бўлими томонидан вояга етмаган Ш.И.га нисбатан Жиноят кодексининг 266-моддаси 1-қисми билан жиноят иши қўзғатилган. Иш ҳужжатлари суд органига юборилган ҳамда туман прокуратураси томонидан жиноят иши доирасида фуқаро Т.У.нинг автомашинасига етказилган 24,336 миллион сўм миқдоридаги зарарни ундириш борасида даъво аризаси киритилган.
Пиёдалар билан боғлиқ йўл-транспорт ҳодисалари
Январь бошларида Тошкент вилоятида “Жигули” йўл четидаги икки кишини уриб юбориши оқибатида, улар вафот этганди. Шунингдек, Фарғона вилоятида ҳам 2 пиёда ўлими билан боғлиқ йўл-транспорт ҳодисалари содир бўлган эди. Самарқандда Damas уриб юборган икки нафар пиёда шифохонада вафот этган, Тошкентда Lacetti пиёдалар ўтиш жойидан ўтаётган 47 ёшли аёлни уриб юборганди.
Изоҳ (0)