Farg‘ona viloyatida 2 piyoda o‘limi bilan bog‘liq yo‘l-transport hodisalari sodir bo‘lgan. Bu haqda Ichki ishlar vazirligi matbuot xizmati xabar berdi.
Qayd etilishicha, 19-fevral kuni Farg‘ona viloyatining Oltiariq tumanida Spark avtomobilini boshqarib kelayotgan haydovchi yo‘lning belgilanmagan qismidan kesib o‘tayotgan 59 yoshli piyodani urib yuborgan. Og‘ir tan jarohati olish oqibatida jabrlanuvchi shifoxonaga olib ketilayotgan vaqtda vafot etgan.
Shuningdek, o‘sha kunning o‘zidayoq Farg‘ona shahar “Muruvvat” mahallasida Cobalt haydovchi ayol piyodani urib yuborgan. Oqibatda jabrlangan fuqaro zudlik bilan shifoxonaga olib borilgan. U yerda ko‘rsatilgan tibbiy muolajalarga qaramasdan piyoda vafot etgan.
Avvalroq Toshkent viloyatida “Jiguli” yo‘l chetidagi ikki kishini urib yuborgani va piyodalar vafot etgani to‘g‘risida xabar berilgandi.
Izoh (0)