Toshkent viloyati Chinoz tumanida 4-yanvar kuni odam o‘limi bilan bog‘liq yo‘l-transport hodisasi sodir bo‘ldi. Bu haqda Yo‘l harakati xavfsizligi xizmati xabar qildi.
Qayd etilishicha, holat shu kuni soat 21:40 lar atrofida M-34 Toshkent—Dushanbe avtomobil yo‘lining 64-kilometrida sodir bo‘lgan. Haydovchi “Vaz-2105” avtomobilini boshqarib ketayotib, yo‘l chetida harakatlanayotgan ikki nafar piyodani urib yuborgan.
YTH oqibatida piyodalar vafot etgan.
“Zapravkadan qaytayotgandim, yo‘limdan chiqib qolishdi, to‘satdan bo‘lib qoldi. Afsusdaman”, — degan haydovchi.
Aniqlanishicha, haydovchi holat sodir bo‘lgan kuni spirtli ichimlik ichgan, avtomobilni mast holda boshqargan.
Izoh (0)