Тошкентнинг икки туманида 6 май куни таъмирлаш ишлари сабаб газ таъминоти вақтинча тўхтатилади. Бу ҳақда “Ҳудудгаз пойтахт” матбуот хизмати хабар берди.
Хусусан, Сергели тумани “Нўғайқўрғон” МФЙ, Моҳидил кўчасидаги ер усти д-108 миллиметрли ўрта босим газ қувурини тартибга келтириш ишлари “Сергелитумангаз” газ таъминоти бўлими томонидан амалга ошириш режалаштирилган.
Шу туфайли соат 11:00 дан 18:00 га қадар қуйидаги табиий газ истеъмолчиларида газ таъминоти вақтинча тўхтатилади.
Шундан аҳоли ва улгуржи истеъмолчилари:
- “Нўғайқўрғон” МФЙ ҳудудидаги жами 535 та уй хўжаликларида ҳамда 12 та улгуржи истеъмолчиларида.
Шунингдек, Янгиҳаёт туманида “Ал-Фарғоний” МФЙ ҳудудида жойлашган Автопилот ЭГҲУсига шайба ўрнатиш ишлари “Янгиҳаёттумангаз” газ таъминоти бўлими томонидан амалга ошириш режалаштирилган.
Шундан аҳоли ва улгуржи истеъмолчилари:
- “Ал-Фарғоний”, “Тошкент”, “Файзли”, “Чортоқ” МФЙларидаги жами 2 487 та уй хўжаликларида ва ҳудуддаги кўп қаватли уйларда истиқомат қилувчи 1 189 та аҳоли хонадонларида ҳамда 86 та улгуржи истеъмолчиларида.
Таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўрайди.
Изоҳ (0)