Бу имконсиз, дейсизми? “Аксинча, ёқимли!” — мутахассислар жавоб беради. Кўпчилигимиз учун эрталабки соатлар куч ва ироданинг чинакам синовидир, шунинг учун оғир иш кунидан олдин спорт ҳақида ўйлаш бироз қўрқувга солади. Аммо тадқиқотлар шуни кўрсатдики, эрталабки интенсив машқлар кечқурунга қараганда анча самаралироқ. Хўш, ҳар доим бир хил формада қолиш учун ўзингизни бир соат олдин туришга қандай мажбурлайсиз? Мутахассисларнинг таъкидлашича, бу унчалик қийин эмас, қолаверса, ҳар қандай одат олти ҳафта ичида шаклланади, яъни орзулар ҳақиқатга айланишга тайёр.
Спорт залига қатнаш учун рўйхатдан ўтинг
Кеча қандолат дўкони ойнасидаги мазали тортга қандай иштаҳа билан қараганингизни эсланг. Сиз ундан чиндан ҳам татиб кўрмоқчи бўлдингиз, шундай эмасми? Аммо олдингизда фаол жисмоний машғулот бўлса, ҳар қандай ноз-неъматлар (албатта, оқилона чегаралар ичида) ҳар доим ҳам иштаҳангизни очавермайди.
Мураббий ёлланг
“Нима учун?”, деб сўрайсиз. Ҳаммаси жуда оддий. Бу яна асоссиз пул исрофидек туюлиши мумкин, лекин шунга қарамай, нотаниш ва энг муҳими, профессионал мутахассис сизни рағбатлантиришга қодир. Мураббий бир неча ой давомида малакали равишда олдиндан сиз учун ўқув дастурини тузади. Бу ҳолда, машаққатли ишнинг натижаси узоқ кутилмайди.
Кийимларни кечқурун тайёрлаб қўйинг
Спортга иштиёқи баланд одамлар маслаҳат беришади: машқ қиладиган кийимда ухланг. Бундай таклиф яхши, лекин тўшак яқинидаги стулда спорт кийимининг тайёр туриши ундан ҳам аъло. Қандай бўлмасин, спорт кийими эрталаб кўз тушадиган биринчи нарса бўлади, яъни бу кучли мотивация бўлиб ҳам хизмат қилади.
Югуриш пойгалари
Ҳеч ким профессионал марафонларда югуриш ҳақида гапирмайди, лекин узоқ масофаларга ва вақтга қараб югуриш кайфиятни кўтариш, ҳеч бўлмаганда ўзингизнинг рекордларингизни янгилашнинг ажойиб усулидир.
Мақсад қўйинг
Мисол учун, тўхтамасдан 5 километр югуринг. Ҳар биримиз ўзимизча ғолибмиз, демак, ўзимизни мағлуб этиш вақти келди!
Деразаларни ёпманг
Қишда бу маслаҳат, айниқса, долзарбдир, агар хонада иқлим ўн беш даража бўлса, уйғонмасликка ҳаракат қиласиз, агар бундан паст бўлса-чи? Совуқ сизни ҳар қандай будилникдан яхшироқ уйғотади! Ёзга келсак, бу вақтлар иссиқ, аммо жуда ўткир қуёш нури яхшигина уйғотувчидир — ундан ҳатто адёл остида ҳам яшириниш қийин.
Тартибни унутинг
Кечқурун нонушта тайёрлашни ўрганинг, шунда эрталаб сиз шунчаки уни иситишингиз керак бўлади. Эрталаб сизнинг ягона ёқимли вазифангиз — хушбўй қаҳва тайёрлаш бўлсин.
Бир нечта будилник қўнғироғини созланг ва телефонингизни иложи борича ўзингиздан узоқроққа қўйинг
Японлар уйғонмагунча эгасидан қочиб, полда айланиб юрадиган будилник соатни ўйлаб топишди. Агар сиз ҳали ушбу технология мўжизасининг эгаси бўлмасангиз, қўлингиздаги бор воситалардан фойдаланинг. Борди-ю, телефонни хонанинг қарама-қарши томонига қўйсангиз (фақат унинг ташқарисида эмас), ихтиёрий равишда уйғонишингиз керак бўлади. Вариант сифатида: будилникка ўзингиз билган энг жўшқин трекни ўрнатинг.
Кечки овқатни унутинг
Айниқса, ошқозонга бу зўр келади. Қолаверса, эрталаб ўзингизни шишган тўп каби ҳис қилиш қандай эканлигини тасаввур қилинг. Бунинг учун ҳатто ўриндан туриш ҳам қийин, ҳам имконсиз ишдир.
Мавзуга доир:
Изоҳ (0)