Организмдаги баъзи витамин ва минералларнинг етишмаслиги сизнинг умумий ҳолатингиз ва ташқи кўринишингизга таъсир қилади. Ушбу муҳим аломатларни ўтказиб юборманг, деб ёзади The Voice Маg нашри.
Кучли соч тўкилиши
Одатда, соч тўкилиши танадаги темир танқислигининг дастлабки белгиларидан биридир. Агар соч тарагандан сўнг тароқда ғайриоддий кўп соч толаларини топсангиз, бу текшириш учун жиддий сабабдир.
Чарчоқ
Етарлича ухласангиз ҳам ҳамон чарчоқни ҳис қилсангиз, бу темир танқислигининг аломати. Бу ҳужайралар кислород билан кам таъминланганлиги сабабли содир бўлади.
Рангпар тери
Агар терингиз ранги одатдагидан оқариб кетган бўлса, сизда катта эҳтимол билан темир моддаси етишмаяпти. Гап шундаки, қондаги қизил қон таначалари сони камаяди, бу эса терини рангпар кўрсатади.
Бош оғриғи
Бу аломат унутувчанлик ва диққатни жамлаш билан боғлиқ муаммолар билан бирга кечаётган бўлса, унда сиз, албатта, соғлиғингизни текшириб, витаминларни қабул қилишни бошлашингиз зарур.
Бош айланиши
Ҳужайраларни кислород билан таъминлашнинг етарли эмаслиги, бу организмда темир етишмаслиги билан намоён бўлади, тез-тез бош айланиши мумкин, масалан, стулдан ўрнингиздан турганингизда.
Юрак тезлигининг ошиши
Темир танқислиги билан организм ҳужайраларни етарли миқдорда кислород билан таъминлай олмаслиги сабабли, юрак тезлигини ошириш орқали буни қоплашга ҳаракат қилади.
Нафас қисилиши
Организм нафас олишнинг кўпайтириб, ҳужайралардаги кислород етишмаслиги билан курашишга ҳаракат қилади.
Ўзингизда ушбу аломатларни сезсангиз, сизни керакли тестларга йўналтирадиган ва муаммони ҳал қилишда ёрдам берадиган шифокорга ташриф буюришдан тортинманг.
Темир етишмаслиги борасида гап кетганда витаминларни қабул қилишдан ташқари, диетага темир моддаси юқори бўлган овқатларни ҳам қўшишингиз мумкин. Қуйида ана шундай маҳсулотларнинг баъзилари.
Темирга бой озиқ-овқатлар:
- Мол гўшти жигари;
- Писта;
- Кешю ёнғоқлари;
- Овсянка;
- Қуритилган ўрик;
- Қовоқ уруғлари;
- Майиз;
- Тофу;
- Исмалоқ.
Мавзуга доир:
Изоҳ (0)