Deadline “У тунда келади” лойиҳаси билан танилган режиссёр Трей Эдвард Шульцнинг янги лойиҳасидаги эксклюзив кастингни эълон қилди. Ҳозирча номи маълум қилинмаган фильмда “Оскар” мукофотига номзод бўлган актёр Барри Кеоган (“Инишериналик Банши” лойиҳасида рол ижро этган), “Уэнздей” сериали юлдузи Женна Ортега ва эстрада хонандаси The Weeknd (ҳақиқий исми Абел Тесфае) иштирок этади.
The Weeknd учун бу рол тўлиқ бадиий фильм дебюти бўлади, у Шульц билан бирга фильм сценарийсини ҳам ёзган. Бу лойиҳагача у ака-ука Сефдининг “Сайқалланмаган олмослар” фильмида камео ролини ижро этган. Бу йил HBO телеканалида унинг иштирокидаги “Кумир” телесериали ҳам экранларга чиқади.
Янги лойиҳанинг сужет тафсилотлари сир сақланмоқда. Маълум бўлишича, Лос-Анжелесда фильмнинг суратга олиш ишлари бошланган, Кеоган ва Ортега эса сценарийдан “ҳайратда қолган”. Лойиҳа ижодкорлари сафига оператор Чейси Ирвин ва бастакор Даниел Лопатин (“Яхши вақт” фильмидаги иши билан танилган) ҳам қўшилган.
Фильмнинг экранларга чиқиш санаси маълум қилинмаган. Кеоган бу йил экранларда намойиш этиладиган Эмералд Феннеллнинг “Saltburn” триллерида суратга тушган. Ортега иштирокидаги “Қичқириқ 6” слешери ҳам март ойида премера қилинади.