Жим Керри ёшлигида пуштиранг, мушукка ўхшаш ўзга сайёралик ролини о”йнаганига ишониш қийин, Kiaну Ривз эса жасур ва мард рицарни эмас, балки қўрқоқ ёвуз одамни ўйнаган.
Марлон Жеймс — Kiaну Ривз
1990 йилда Kiaну Ривз ўзи учун жуда ноодатий ролда — “Сени тоабад севаман” комедиясида қўрқоқ қотил Марлон Жеймсни ўйнайди.
Девид Вудерсон — Метю Макконаҳи
Дастлаб Макконахи 1993 йилда суратга олинган “Саросима” фильмда рол ўйнамаслиги керак эди. Рол шунчалик кичик эдики, фильм ижодкорлари ролни маҳаллий актёрлардан бирига қолдиришга қарор қилишади. Аммо бир куни кечқурун кинематография факультетида таҳсил олаётган Макконахи дўсти ишлайдиган муассасага келади. Унга қўшни столлардан бирида кастинг директори ўтирганини айтишади. Макконахи у билан гаплашади ва ролни олади. Фақат режиссёр норози бўлади, чунки у Макконахини бу персонаж учун жуда чиройли деб ҳисоблайди.
Уиплок — Жим Керри
“Ерлик қизларга осонроқ” (1988) илмий-фантастик фильмида Жим Керри Ерлик аёлларининг гўзаллигидан шунчалик ҳайратда қолган, икки дўсти билан сайёрамизга қўнишга қарор қилган пуштиранг ўзга сайёралик Уиплок ролини ўйнайди. Ерликларга ўхшаш учун мўйналарини қирқиб олганларидан сўнг Уиплок ва унинг дўстлари аёллар учун жуда жозибали бўлиб қоладилар.
Роберт Пронж — Крис Эванс
2012 йилда Крис Эванс “Музли” криминал триллерида асосий роллардан бирини — Роберт Пронж исмли қотилни ўйнайди. Фильм реал воқеалар асосида суратга олинган.
Киган — Жейсон Момоа
Жейсон Момоа “Шиддатли” (2012) фильмида кичик рол — ёлланма ишчи Киганни ўйнайди. Бунинг учун актёр соқолини олиши, бақувват ияги ва юз хусусиятларини намойиш қилиши керак эди.
Дрексл Спайви — Гари Олдман
.jpg)
Гари Олдман “Ҳақиқий севги” (1993) фильмида бор-йўғи бир неча дақиқа экран вақтига эга бўлган, аммо у улардан томошабинлар ва танқидчиларни ўзига тортадиган тарзда фойдаланган. Тарантино томонидан ёзилган ушбу криминал фильмда Олдман ёвуз қаҳрамон Дрексл Спайвини гавдалантирган ва баъзи танқидчиларга кўра, бу рол актёр фаолиятидаги энг яхшиси бўлган.
Капитан Ҳук — Дастин Хоффман
Дастин Хофман фильм сценарийси ёзилмасданоқ капитан Ҳук ролига тасдиқланган. Қизиғи шундаки, Капитан Ҳук (1991) режиссёри Стивен Спилберг Майкл Жексон иштирокидаги мусиқий фильм яратиш ҳақида ўйлайди ва ҳатто Дастин Хофман билан қўшиқларидан бирини ёзиб олади. Аммо охир-оқибат у бу режасидан воз кечади ва қўшиқни фильмдан олиб ташлайди.
Жоанна Хоффман — Кейт Уинслет
Стив Джобснинг биографик фильмида Кейт Уинслет маркетинг бўйича менежер ва Жобсга таъсир кўрсатиши мумкин бўлган кам сонли кишилардан бири бўлган Жоанна Хоффман ролини ўйнайди. Актрисанинг ўзи уни тадбиркорнинг “ишчи рафиқаси” деб таърифлаган.
Кейт кастинг ҳақида тасодифан билиб қолади ва дарҳол унда рол ўйнаш истаги туғилади. “Мен интернетда Хоффманнинг қандай кўринишини топдим, эримни парик дўконига боришга кўндирдим. Калта қора сочли парик сотиб олдим ва ундаги суратимни продюсерга юбордим”. Актриса тез орада у “Олтин глобус” ва BAFTA мукофотига сазовор бўлган ролга эга бўлади.
Карен Силквуд — Мерил Стрип
“Силквуд” (1983) биографик драмасида Мерил Стрип фабрикада хавфсизлик бузилишини оммага ошкор қилмоқчи бўлган кимёгар Карен Силквуд ролини ўйнайди. Ушбу роли учун актриса “Оскар” мукофотига номзод бўлган.
Изоҳ (0)