Чет тилида ишлаш жуда қийин ва ноодатий. Уни яхши ишлаши ва завқ келтириши учун кўп ҳаракат қилиш керак. Аммо инглиз тили ўз она тили бўлмаган баъзи актёр ва актрисалар бу муаммони шу қадар ажойиб тарзда енгишга муваффақ бўлишганки, уларнинг аслида она тилиси ҳақида кўпчилик билмайди.
Жан Рено
Жан Рено асосан француз тилида рол ўйнайди, лекин у Голливуд фильмларида ҳам ўз ролларига эга. Унинг она тили испан, лекин у карерасининг илк йилларида араб ва француз тилларини ўрганган. Актёр инглиз ва италян тилларини ҳам билади.
Марион Котиляр
Марион Котиляр Парижда туғилган ва унинг она тили француз тилидир. Бироқ 17 ёшида у ўзининг илк инглиз тилидаги ролини ўйнайди. Актриса Голливудда машҳур бўлишига қарамай, у ўз ватанида ҳам фильмларда суратга тушади.
Кристоф Валс
Актёрнинг энг машҳур роллари “Озод Жанго” ва “Катта кўзлар” фильмларида. У Австрияда туғилган бўлса-да, ҳозирда асосан Голливуд фильмларида ўйнайди. Унинг она тили немис тили, лекин у француз ва инглиз тилларини ҳам яхши гаплашади, италян тилини бир оз билади.
Ева Грин
Мафтункор Ева Грин — француз. Режиссёр Бернардо Бертолуччи уни пайқамагунча, у ватанидаги театр спектаклларида ўйнаган. Айнан у унга инглиз тилини яхшилашни маслаҳат берган. Қиз 2 ой давомида тилни қунт билан ўрганади, бу унга Голливудга киришига ёрдам беради.
Энди Гарсия
Энди Гарсия “Тегиб бўлмайдиганлар” ва “Чўқинтирган ота-3” фильмидаги роллари билан танилган. Актёр Кубада туғилган, она тили испан тилидир. Аммо Эндининг онаси инглиз тили ўқитувчиси бўлган, шунинг учун у тилни ўрганишда муаммо бўлмаган.
София Вергара
Актриса Колумбияда туғилган. Унинг она тили испан тили, лекин у инглиз тилини ҳам яхши билади. Айтганча, қизиқарли факт: София тиш шифокори бўлиш учун ўқиган, аммо шоу-бизнесда ишлаш учун университетни ташлаган.
Фрида Пинто
“Харобадан чиққан миллионер” ва “Маймунлар сайёраси” фильмларидаги роллари билан танилган Фрида Пинто асли ҳинд актрисаси. У ҳинд тилида гапиради. Болалигиданоқ рассом бўлишни орзу қилган, аммо 23 ёшида кастингларга фаол қатнаша бошлаган. Бир мунча вақт Фрида телебошловчи бўлиб ишлайди ва турли мамлакатлардан репортажлар қилади.
Педро Паскал
Актёр “Тахтлар ўйини” ва “Мандалориялик” сериалларидаги роллари билан танилган. У Чилида туғилган, она тили испан тили. Бироқ у Чилида узоқ вақт яшамайди: ота-онаси аввал Венесуэлага, кейин Данияга кўчиб ўтади, кейин эса Калифорнияга келишади.
Вигго Мортенсен ҳақиқий полиглот
Виггонинг энг машҳур роли — “Узуклар ҳукмдори” трилогиясидаги Арагорн роли, лекин унинг бошқа кўплаб ажойиб роллари ҳам бор. Инглиз тили унинг она тили, лекин у шу билан тўхтаб қолмайди. Актёр испан, француз, дания тилларида эркин сўзлаша олади, швед, норвег ва италян тилларини ҳам яхши билади.
Ана де Армас
Ана де Армас Кубада туғилган ва шу ерда актрисалик фаолиятини бошлаган. Кейинчалик у испан телесериалида суратга тушади. Актрисанинг она тили испан тили бўлиб, у Голливудни ўзи унчалик яхши билмайдиган инглиз тили билан забт этади. Қиз фильмдаги исталган қаҳрамонни ўйнаш учун жуда кўп ўқиган.
Изоҳ (0)