“Гарри Поттер” франшизасида Рон Уизли ролини ижро этган актёр Руперт Гринт миллионлаб мухлислар учун абадий самимий, жасур Рон Уизли бўлиб қолади. Бироқ у қанча машҳур ролларни ўйнаши керак бўлмасин, қизи учун ҳар доим ота ҳисобланади. Рупертнинг ҳаётда ажойиб ва ғамхўр ота эканлиги ҳам томошабинларга сир эмас.
Руперт 2020 йилнинг апрель ойида узоқ йиллик севгилиси билан ота-она бўлишини маълум қилди. Актёрнинг кейинги шахсий ҳаётини кузатган мухлислар учун бу янгилик эмас эди. Руперт 2018 йилда интервьюларининг бирида оила қуришга ва фарзанд кўришга тайёрлигини айтган. Кейинроқ актёр ўғил фарзанд кўрса, унга Рон деб исм қўйиши ҳақида ўйлаётганини маълум қилди. Бироқ Руперт бир бўғинли исмлар Гринт фамилияси билан бирлаштирилмаслиги керак деган қарорга келди.
Жуфтликнинг биринчи фарзанди 2020 йилнинг май ойида дунёга келди. Улар олти ой мобайнида фарзанди ҳақидаги маълумотларни оммадан сир сақлади, бироқ Руперт ноябрь ойида Instagram’даги саҳифасига қизалоғи билан тушган таъсирли фотосуратини жойлади ва уни бутун дунёга Уэнздей Жи Гринт сифатида таништирди. Пост ижтимоий тармоқларда тез тарқалди, Роннинг аккаунти эса жаҳон рекордларини янгилаб, Гиннес рекордлари китобига бир миллион обуначини жуда тез тўплаган аккаунт сифатида киритилди.
Қизи учун бу исмни танлаган жуфтлик дунёдан бир қадам олдинда эди, чунки сўнгги 2 йил ичида Тим Буртоннинг Аддамслар оиласи ҳақидаги сериали чиқиши билан, кўплаб ота-оналар ўз фарзандларига жасур ёш қаҳрамон Женна Ортега сабабли шу исмни қўйди. Бироқ ўша пайтда жуфтлик бошқа актриса — Кристина Риччи гавдалантирган Уэнздей ҳақида ўйлаган.
Актёрнинг айтишича, оталик уни шахс сифатида ўзгартирган, бу у учун янги ва ҳатто қўрқинчли севгининг кўриниши.
“Бу ажойиб. Менга ота бўлиш жуда ёқди. Бу мен билан содир бўлиши мумкин бўлган энг яхши воқеа”, — дейди актёр. Руперт ота-оналарнинг барча ташвишларини жуда яхши биларди, чунки у қизи Уэнздей туғилган пайтда Найт Шямаланнинг “Хизматкорли уй” сериалида суратга тушаётган эди ва ҳозирда ҳам ушбу лойиҳадаги фаолиятини давом эттирмоқда. Бу лойиҳа оилада чақалоқни йўқотиш қанчалик чидаб бўлмас ҳолат эканини ёрқин ифодалаб берувчи мистик психологик триллер ҳисобланади.
Руперт шахсий ҳаёти ҳақидаги маълумотларни оммага ошкор этишни ёқтирмайдиган машҳурлардан бири. Бироқ у кўплаб интервьюларида барча ғайратли оталар сингари қизи ҳақида ғурур билан гапирган. Мухлислар актёрнинг қизи унинг Хогвартсдаги мантияси, сеҳрли таёқчаси ва Рон Уизлининг расми туширилган PEZ таёқчасига эга эканлигини билади.
Актёр қизига машҳур франшизадан парчаларни ҳам кўрсатган. Бироқ қизалоқ ҳали отасини Рон сифатида танимайди ва Руперт унинг бутун фильмни бирга томоша қилганда шу нарсани тушуниб етадиган ёшга етишини кутмоқда.
Гринт қизалоғи ҳақида ёқимли тафсилотларни айтиб беради, Уэнздей ширинликлар, мевали музқаймоқларни яхши кўради, унга Таргет дўконлари ва Ой ёқади.
“У Ойга ҳавас қилади. Мен Ойни яхши кўраман, бироқ ҳеч қачон унга кўп эътибор бермаганман. Бу ҳайратланарли. Қизим менга атрофимдаги дунёни қадрлашни ўргатди”, — дейди актёр.
Изоҳ (0)