Қаймоқли соус ва қовурилган гўштли шарчалар қўшиб тайёрланадиган мазали шўрва иштаҳани очувчи таъмга эга. Шўрвага ўзингизга ёққан кўкатларни ҳам қўшишингиз мумкин.
4 кишилик порсия учун керакли масаллиқлар:
- пиёз — 1 дона
- саримсоқ — 1-2 донача
- мол гўшти қиймаси — 600 г
- туз — таъбга кўра
- мурч — таъбга кўра
- ўсимлик ёғи — 1 чой қошиқ
- сариёғ — 2 ош қошиқ
- ун — 2 ош қошиқ
- мол гўшти қўшиб тайёрланган шўрва ёки сув — 350-400 мл
- зираворлар — таъбга кўра
- қаймоқ — 60 мл
- пармезан ёки бошқа турдаги пишлоқ — 70-100 г
Тайёрланиши:
- Пиёзни блендердан ёки катта тишли қирғичдан ўтказинг. Саримсоқни ҳам қирғичдан ўтказиб олинг.
- Қиймани пиёз, саримсоқ, туз ва мурч билан аралаштиринг. Ўртача катталикдаги шарчаларни ҳосил қилинг.
- Қиймали шарчаларни ўсимлик мойи билан ёғланган листга солинг. Уларни 20 дақиқа давомида 200 даража ҳароратда олдиндан қиздирилган печда пишириб олинг. Пишираётган вақтингизда шарчаларни бошқа томонга айлантириб олишни унутманг.
- Сариёғни ўртача оловда қиздирилган идишда эритиб олинг. Элакдан ўтказилган унни қўшинг ва бир дақиқа қовуринг.
- Унга секин-аста илиқ шўрвани солинг ва таъбингизга кўра зираволарни қўшинг. Аралаштириб, қайнатиб олинг ва паст оловда 2-3 дақиқа давомида пиширинг.
- Таомга қаймоқ, озгина туз, мурч ва майдаланган пармезан пишлоғини қўшинг. Бир дақиқадан сўнг оловни ўчиринг.
- Қайлани қиймали шарчаларнинг устига солинг ва яна 10-15 дақиқа давомида пишириб олинг.
Ёқимли иштаҳа!
Изоҳ (0)