Пишлоқли крем ва қумоқ хамирдан тайёрланадиган печенье мазали таъмга эга. Майиз ва ёнғоқ пишириқда янада мазали таъмни ҳосил қилади.
.jpg)
6 кишилик порция учун керакли масаллиқлар:
- ун — 240 г
- шакар — 3 қошиқ
- туз — ярим қошиқ
- сариёғ — 170 г
- пишлоқли крем — 170 г
- ванилин — 1 қошиқ
- майиз — 140 г
- ёнғоқ — 140 г
- жигарранг шакар — 2 қошиқ
- майдаланган долчин — 1 қошиқ
- жем ёки мураббо — 280 г
- тухум — 1 дона
Тайёрланиши:
- Унни элакдан ўтказинг, шакар ва туз билан аралаштиринг. Сариёғни куб шаклида кесиб олинг, унга пишлоқли крем, ванилин ва ун қўшинг.
- Ҳар бир нарсани қўлларингиз билан майдалаб олинг ва қумоқ хамир ҳосил қилинг. Хамирни ярмидан бўлинг. Ҳар бир қисмини тўпга айлантиринг, ёпишқоқ плёнка билан ўранг ва 1 соат давомида музлатгичга қўйинг.
- Майиз ва ёнғоқни майда қилиб тўғранг, уларни жигарранг шакар ва долчин билан аралаштиринг.
- Хамирнинг ҳар бир қисмини 4-6 мм қалинликдаги тўртбурчаклар шаклида қатламларга ёйиб чиқинг. Қатламларга мураббо солинг ва устига ёнғоқ аралашмасини сепинг.
- Қатламларни рулетларга айлантиринг ва 30 дақиқа давомида музлаткичга қўйинг.
- Печни 180 даража ҳароратда олдиндан қиздириб олинг. Листнинг устига пишириқ қоғозини ёйинг. Тухумни вилка ёрдамида кўпиртиринг.
- Рулетни музлаткичдан олиб, устига тухум суртинг, ҳар бир бўлакда 2,5-3 см оралиқда кесмалар ҳосил қилинг.
- Рулетларни листга қўйинг ва қизаргунга қадар 25-30 дақиқа давомида пиширинг. Тайёр бўлган печенеларни совутиб олинг ва тўлиқ кесиб дастурхонг тортинг.
Ёқимли иштаҳа!
Изоҳ (0)