Колбаса, картошка ва тухум қўшиб мазали салат тайёрлаймиз

Кўплаб уй бекаларининг ошхонасида бор бўлган маҳсулотлардан тайёрланадиган салат иштаҳани очади. Уни тушликда таом билан истеъмол қилишингиз мумкин. 

Керакли масаллиқлар: 

• картошка — 3-4 дона
• тухум — 3-4 дона
• қайнатилган колбаса ёки гўшт  — 300–350 г
• маёнез — таъбга кўра
• кўкатлар — таъбга кўра

Тайёрланиши:

1. Картошкани 20-25 дақиқа, тухумни эса 10 дақиқа давомида қайнатиб олинг. Маҳсулотларни салқин жойга қўйинг ва совигандан кейин тозаланг.
2. Картошка, тухумнинг оқи ва колбасани куб шаклида тўғраб олинг. Тухумнинг сариғини эса майда қирғичдан ўтказинг.
3. Колбаса, картошка, тухумни навбат билан ликопчага қолип ёрдамида солинг ёки салат идишидан фотдаланинг. Ҳар бир маҳсулотни ликопчага солганингиздан кейин унга озгина майонез қўшинг.
4. Тайёр бўлган салатнинг устига тухум сариғини сепинг ёки кўкатлар билан безатинг. 

Ёқимли иштаҳа!