Агар мазали ва тез тайёр бўладиган нонушта рецептини излаётган бўлсангиз, унда нутелла бананли ширин сендвич сиз учун яхши танлов бўла олади. Қарсилдоқ сендвич банан ва шоколад билан янада мазали таъмни ҳосил қилади.
4 кишилик порсия учун керакли масаллиқлар:
- каттароқ яхши пишган банан — 1 дона
- сендвич нони — 4 дона
- қовурилган бодом — 2 ош қошиқ
- нутелла шоколад пастаси — 60 грамм
Тайёрланиши:
- Бананни тозаланг ва бўлакларга кесиб олинг. Бодомни майдаланг.
- 4 бўлак сендвич нонига нутелла шоколад пастасини суртинг. Устига бодом сепинг, қошиқ билан босинг. Банан бўлакларини 2 бўлак сендвич нонининг устига қўйинг.
- 2 бўлак бананни 2 та нутелла шоколади суртилган ноннинг ичига солиб, сендвич қилинг.
- Сендвичларни панжарали грилга териб, унинг устига оғирроқ бирор нарсани бостириб қўйинг. 5-6 дақиқа давомида панжарали грилда нонни қизаргунча айлантириб пишириб олинг.
- Ҳар бир сендвични диагонал равишда ярмига бўлинг. Сендвичларни иссиқлигида дастурхонга тортинг.
Ёқимли иштаҳа!
Изоҳ (0)