Бугун,

  • USD 11095.31
  • RUB 173.84
  • EUR 10772.44

Қирғизистон парламенти йиғилишида депутат Тазабек Икрамов энергетика вазири Таалайбек Ибраевни қишки мавсумга тайёрланмагани учун танқид қилди. Бу ҳақда «24.кг» хабар берди.

Фото: «NazarNews.kg»

Фото: «NazarNews.kg»
Депутат ҳокимиятга давлатга зарар етказадиган одамлар келишини айтган.

«Сиз 2009 йилдаги каби чироқларни ўчириш учун ҳукуматга келасиз. Нега 2010 йилдан бери электр токини ўчириш бўлмади? Сиз ҳокимиятга келгунингизча бундай ҳолат кузатилмаган», — деган у.

Энергетика вазири бир неча йилдан буён аномал совуқ кузатилмагани, ҳар беш йилда сув камайиши даври бўлишини қўшимча қилган.

«Кимдир масъулиятни ўз зиммасига олиши ва ишлаши керак. Ҳозирча бундай одам йўқ. Мен курсини ушлаб турганим йўқ. Агар кимдир менинг ўрнимга келиб, мамлакатни қийин вазиятдан олиб чиқаман, деса, кетаман»,— дея энергетика вазири депутатга жавоб берди.

Тазабек Икрамов вазирни ишдан бўшатиш эмас, жавобгарликка тортиш кераклигини таъкидлади.

Қирғизистон Энергетика вазирлиги мамлакатда вақти-вақти билан электр ўчирилишини маълум қилган. Агар электр энергияси узилмаса, одамлар бир ой давомида электр таъминотисиз қолиши мумкинлиги, чунки қурилмаларни қайта тиклаш зарурлиги айтилган.

12 январь куни Қирғизистонда максимал суткалик электр энергияси истеъмоли қайд этилди. Аҳолидан электр энергиясини тежаш сўралган.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади