Twitter ижтимоий тармоқда рўйхатдан ўтган маълум бир фойдаланувчиларга ўз username’ини сотишни йўлга қўйиш имкониятларини ўрганмоқда. Бу ҳақда «ТАСС» хабар бермоқда.
Хабар берилишича, бу ҳаракатга компания учун янги даромад манбаи сифатида қаралмоқда.
Манбага кўра, 2022 йил декабрь ойидан бошлаб Twitter ходимлари онлайн аукционлар ўтказишни муҳокама қилмоқда.
Унда фойдаланувчилар ҳар қандай сўз, рақамлар ёки белгилар тўплами бўлган маълум username’ларга даъво қилиши мумкин бўлади.
Ҳозирча ташаббуснинг натижаси аниқланмаган. Бундан ташқари, режа барча мумкин бўлган username’ларни ёки улардан фақат баъзиларини сотишни назарда тутадими, ҳозирча маълум эмас.
Компаниянинг ўзи ва Twitter’га эгалик қилувчи Илон Маск бу маълумотга изоҳ бермади.
Илон Маск Twitter’ни сотиб олиш бўйича келишувни 27 октябрь куни якунлаб, компания учун 44 миллиард доллар тўлаган.
Шундан сўнг тадбиркор ижтимоий тармоқ ходимларининг ярмига яқинини ишдан бўшатди, қолганларни эса юқори интенсивлик билан ишлаш кераклиги ҳақида огоҳлантирди.
ОАВ хабарларига кўра, ушбу воқеалар фонида платформа фаолиятини сақлаб қолиш учун муҳим бўлган кўплаб ходимлар Twitter’ни тарк этган.
Аввалроқ Илон Маск дунёнинг энг бой одамлари рейтингида етакчиликни бой бергани ҳақида хабар берилганди.
Изоҳ (0)