АҚШнинг Amazon компанияси Буюк Британиядаги учта омбори ёпилишини эълон қилди. Бу эса камида 1 200 нафар ходимнинг қисқаришига олиб келиши мумкин. Бу ҳақда «ТАСС» хабар берди.
Amazon раҳбарияти, аввал хабар қилинганидек, жами 18 мингдан ортиқ ходимни ишдан бўшатишни режалаштирмоқда.
Компания вакилларининг таъкидлашича, бу қарор 2023 йилга мўлжалланган режалаштириш доирасида «иқтисоддаги ноаниқлик ва сўнгги икки йил ичида кўп сонли ходимларнинг ишга олиниши муносабати билан» қабул қилинган.
Шу билан бирга, ўша пайтда раҳбарият ходимларни қўшимча қисқартиришлар истисно қилинмагани ҳақида огоҳлантирган.
Таъкидланишича, асосан савдо ва ишга ёллаш бўлимларидаги ходимлар ишдан бўшатилади.
2020 йилдан бери Amazon ходимлари сони деярли икки баравар кўпайди, аммо шунга қарамай, компания даромадларининг ўсиши секинлашди.
Шунингдек, инвесторларнинг харажатларни чеклаш бўйича босими туфайли фирма фойда келтирмайдиган бўлинмаларни текширишга киришгани маълум қилинди.
Аввалроқ Amazon асосчиси ўз бойлигининг катта қисмини хайрия қилмоқчилигини маълум қилган эди.
Изоҳ (0)