Ўзбекистонда кичик гидроэлектростанциялар қуриш ҳуқуқи учун ўтказиладиган аукцион тартиб-тамойиллари белгиланди. Бу ҳақда «Дарё»га «Электрон онлайн аукционларни ташкил этиш маркази» хабар қилди.
Платформада кичик гидроэлектрстанцияларни қуриш бўйича лойиҳа ташаббускорларини аниқлашда онлайн аукцион савдоси электр энергиясини сотиб олиш тарифини пасайтириб бориш шаклида ўтказилади.
Аукцион савдосида ҳар бир аукцион қадами 10 фоиздан камайиб боради. Лот закалат пули лойиҳанинг ойлик ишлаб чиқариш қувватидан келиб чиққан ҳолда белгиланади.
Микро ва кичик гидроэлектростанцияларини қуриш учун ер участкаси 20 йил муддатга ижарага берилади.
Онлайн аукцион ғолибига ижара шартномасини имзолаш учун 60 календарь кун давомида муддат берилади. Ғолиб лойиҳани 2 йил муддатда ишга тушириш мажбуриятини қабул қилиб олади.
Айни пайтда Қашқадарё, Сурхондарё, Тошкент ва Фарғона вилоятларидан 14 та лойиҳалар аукционга чиқарилган бўлиб, ушбу лойиҳалар бўйича савдоларда компаниялар иштирок этиши мумкин.
Онлайн аукцион шартлари ҳақида батафсил маълумотни «Э-аускион» порталидан олиш мумкин.
Аввалроқ Ўзбекистонда 2023 йилда 100 та микро-ГЭС қуриш бўйича лойиҳалар бошланиши ҳақида хабар берилган эди.
Изоҳ (0)