Хитой Арктикадан Россия нефтининг ноёб навларини сотиб олмоқда

Хитой Россия нефтининг ноёб Арктика навларини импорт қилади. Улар — Arco, Novy Port ва Varandey навлари. Бу ҳақда Vortexa таҳлилий компанияси маълумотларига таяниб, Bloomberg хабар бермоқда.

Таҳлилчиларнинг таъкидлашича, Россия нефтига нарх чегараси (баррелига 60 доллар) жорий этилишидан олдин бу навлар Европага экспорт қилишга қаратилган эди.

Хитой январь ёки февраль ойларида етказиб бериш учун Арктика хом ашёсининг учта партиясини сотиб олди. Бироқ Vortexa маълумотларига кўра, Пекин ноябрь ойида биринчи экспортни қабул қилган.

Arco навли нефтнинг экспорти:

Kpler бозор тадқиқот компанияси маълумотларига кўра, Хитойнинг сўнгги харидлари орасида Varandey ва Novy Port навли нефтлар ҳам бор. Таҳлилчиларнинг фикрича, бу етказиб беришлар Яқин Шарқдаги нефть навларини сиқиб чиқариши мумкин.

5 январь куни, Россия нефтига чеклов жорий этилганидан сўнг, Москва Хитой ва Ҳиндистонга Арктика навларини етказиб берган.

Bloomberg маълумотларига кўра, декабрь ойида Россия Ҳиндистонга Arco, Novy Port ва Varandey навлари бўлган олтита кема жўнатган.

Мавзуга доир: Bloomberg: Хитой Европа давлатлари импорт қилмоқчи бўлган нефтни сотиб олмоқда