Қозоғистоннинг Самара—Чимкент автомобиль йўлида 11 январь куни ичида жами 69 нафар Ўзбекистон фуқароси бўлган икки автобус ноқулай об-ҳаво туфайли йўлда қолиб кетди. Республика Фавқулодда вазиятлар вазирлигининг хабар беришича, 72 кишини олиб кетаётган биринчи автобус йўловчилари мактабга эвакуация қилинган.
«Автобусда 3 нафар Қозоғистон ва 38 нафар Ўзбекистон фуқароси бўлган. Ноқулай об-ҳаво оқибатида йўл тўсилиб қолгани сабабли барча йўловчилар Ирғиз қишлоғидаги умумтаълим мактабига жойлаштирилди», — дейилади вазирлик хабарида.
Ўша куни Айтекебий туманида, Самара-Чимкент автомобиль йўлининг 968-километрида яна бир йўловчи автобусига ёрдам зарурлиги ҳақида маълумот келиб тушган. Автобусда жами 31 нафар Ўзбекистон республикаси фуқаролари бўлган.
Ноқулай об-ҳаво ҳамда йўл ёпилгани сабабли барча йўловчилар Қорабутак қишлоғи масжидига жойлаштирилди.
Қозоғистон Фавқулодда вазиятлар вазирлиги фуқароларга об-ҳаво ўзгаришларини кузатишни, ҳаво ёмонлашиб, йўлларда автотранспорт воситаларининг ҳаракатига чекловлар жорий этилса, кўчага чиқмасликни қатъий тавсия қилмоқда.
Изоҳ (0)