Беларуснинг Волковиск шаҳрида мактаб ўқувчиларини олиб кетаётган автобус ёниб кетди. Бу ҳақда «БелТА» хабар берди.
Автобус салонида уч бола ва бир нафар катта ёшли эркак бўлган. Двигатель қисмида ёнғин чиққанини пайқаган ҳайдовчи ҳаракатланишни тўхтатган. У йўловчиларни туширган ва оловни ўт ўчиргич билан ўчиришга киришган.
Воқеа жойига етиб келган ўт ўчирувчилар ёнғинни ўчирган. Автобуснинг асбоблар панели, электр симлари ва ички қисми зарарланган. Фавқулодда вазиятлар вазирлиги хабарига кўра, ёнғиннинг эҳтимолий сабаби қисқа электр туташувдир. Автобус Гнезнов мактабидан Волковиск томон йўл олган ва ўсмирларни тиббий кўрикдан ўтказиш учун ҳарбий комиссияга олиб кетаётган бўлган.
Мавзуга доир: Сенегалда иккита автобус тўқнашиши оқибатида 40 киши ҳалок бўлди (видео)
Изоҳ (0)