Жанубий Кореянинг Samsung саноат гиганти (Samsung Engineering бўлими) Тайваннинг CTCI Corporation компанияси билан Қатарда нефть-кимё заводи қуриш тендерида ғолиб чиқди. Бу ҳақда компанияга таяниб «ТАСС» хабар бермоқда.
Битим қиймати қарийб 2,5 миллиард долларни ташкил этади. Тендерга кўра, Samsung Engineering этилен синтези бўйича ишлаб чиқариш қувватларини ташкил этиш билан шуғулланади. Тайван компанияси эса заводнинг қолган инфратузилмасини қуради. Қурилиш ишлари 2026 йил охиригача якунланиши кутилмоқда.
«Таъкидлаш жоизки, ушбу лойиҳа энг йирик этилен ишлаб чиқариш қувватларидан бирини ташкил этиш имконини беради, унинг йиллик ҳажми 2,08 миллион тоннани ташкил этади. Samsung Engineering лойиҳани муваффақиятли амалга оширишга қодир», — дейилади компания баёнотида.
Битим Доҳадан бир неча ўнлаб километр узоқликда жойлашган ва нефть-кимё, жумладан, суюлтирилган газ ишлаб чиқаришга ихтисослашган Рас Лаффан саноат марказини ривожлантириш лойиҳасининг бир қисмидир. Шартномадаги буюртмачи — Рас-Лаффан Petrocheminsals.
Мавзуга доир: Тарихда биринчи марта аёл киши Samsung компаниясида президент лавозимини эгаллади
Изоҳ (0)