Россия нефти жаҳондаги нархларнинг ярим баҳосида сотилмоқда ва G7 томонидан жорий қилинган нарх чегарасидан (баррель учун 60 доллар) анча арзон. Бу ҳақда Argus мустақил нарх агентлиги маълумотларига таяниб, Bloomberg хабар берди.
Нашр маълумотларига кўра, 6 январь куни Приморск портида Urals нефти бир баррели учун 37,8 доллардан сотилган, шу куннинг ўзида жаҳон бенчмарки — Brent бир баррель учун 78,57 доллардан сотилган.
Bloomberg’нинг фикрича, бозорда худди шундай вазият Европа Иттифоқининг Россия нефтини денгиз орқали етказиб беришга эмбарго жорий қилганидан кейин юзага келган (5 декабрдан кучга кирди).
Бундан ташқари, Россия нефть нархининг чегараланиши Россияни Хитой ва Ҳиндистонга қарамлигини оширди.
Шу сабабли, Россия нефтни чегирма билан сотиш заруратига дуч келмоқда. Шундай қилиб, Москва Яқин Шарқдан етказиб бериш билан рақобатни сақлаб қолади.
9 январь куни Россияда 10 минг тонна нефть 218 миллион рубль ёки бир баррель учун 42,19 доллардан сотилган.
Аввалроқ дунёда нефть нархи тушиб бораётгани ҳақида хабар берилган эди.
Изоҳ (0)