2021 йилда дунёнинг энг яхши ресторани деб топилган Дания пойтахти Копенгагендаги Нома ресторани 2024 йилдан бошлаб мижозларни қабул қилмайди. Бу ҳақда The New York Times хабар бермоқда.
Ресторан ошпази Рене Редзепи бундай қарорга ходимларнинг мунтазам ортиқча иш вақти ва ёмон иш шароитлари сабаб бўлганини тушунтирди. Ресторан ёпилгандан кейин озиқ-овқат лабораториясига айлантирилади.
«Умид қиламанки, биз бутун дунёга одамларни чарчатадиган ёмон бошқарув билан оғир, машаққатли ва кам ҳақ тўланадиган иш ўрнига ижодкорлик ва иш жараёнида завқланиш мумкинлигини исботлай оламиз», — дейди Рене Редзепи NYT нашрига берган интервьюсида.
Ёпилгандан сўнг, ресторан ўзининг Нома Projectс онлайн-дўкони учун янги таомлар ва маҳсулотлар ишлаб чиқаради.
Редзепининг сўзларига кўра, Номаъда ишнинг юқори стандартларини сақлаб қолиш учун машаққатли соатларда ходимларга адолатли товон тўлаш тамойили ишламайди.
NYT’га берган интервьюсида Рене Редзепи ресторан саноатини «бутунлай қайта кўриб чиқиш» кераклигини таъкидлаган.
Ресторанда ўнлаб одамлар ишлайди, уларнинг 20-30 нафари стажёр бўлиб, улар фақат 2022 йилнинг ноябрь ойидан маош олишни бошлаган.
Ресторан ходимлари оммавий ахборот воситаларига 16 соатлик сменалар, шу жумладан маошсиз стажёрлар ҳам Нома учун одатий ҳол эканлигини айтиб келади.
Нома 2003 йилда Копенгагенда очилган ва Скандинавия ошхонасига ихтисослашган. Ресторан 2010, 2011, 2012, 2014 ва 2021 йилларда дунёнинг энг яхши ресторани деб тан олинган.
Изоҳ (0)