Жанубий Корея президенти Юн Сок Ёл Шимолий Кореядан келган дронларнинг ҳар бирига КХДР билан чегара орқали икки ёки учта учувчисиз учоқ юбориш билан жавоб қайтаришни буюрди. Бу ҳақда Жанубий Кореянинг юқори мартабали мулозимига таяниб, Yonhap хабар бермоқда.
«Биринчи дрон келганида, президент бизда ҳам дрон борлигини айтиб, шимолга қарши зудлик билан тегишли чоралар кўришни буюрди. У Шимолий Кореядан келган биттага жавобан икки-учта дрон юборишни буюрди», — деди расмий ва буйруққа биноан, керак бўлса, дронларни уриб тушириш кераклигини таъкидлади.
26 декабрь куни Кенгидо провинциясининг чегара ҳудудида КХДРнинг бешта дрони аниқланган, шундан кейин Жанубий Корея огоҳлантирувчи хабарлар тарқатган, қирувчилар, вертолётлар ва ҳаво ҳужумига қарши мудофаа воситалари тревога бўйича ҳавога кўтарилди. Республика ўз учувчисиз учар қурилмаларини чегара яқинидаги туманларга йўналтирди.
Жанубий Корея ҳарбийлари КХДР дронларини уриб тушириш учун қарийб юз марта ўт очди. Эни 2 метрдан ортиқ бўлмаган дронларни бундай ўқлар билан уриб тушира олишмаган. Бешта дрондан биттаси Сеул осмонидан учиб ўтган, қолганлари Жанубий Корея ғарбидаги Канхвадо ороли яқинига борган. У демаркация чизиғи яқинида, Сеул эса ундан тахминан 50 км нарида жойлашган. Кейинроқ учар қурилмалар Жанубий Корея ҳарбийлари мониторинг зонасидан ғойиб бўлган.
Шундан сўнг Жанубий Корея ҳарбийлари Шимолий Корея дронларини йўқ қилиш бўйича операция муваффақиятсиз ўтгани учун омма олдида узр сўради.
Изоҳ (0)