Кечқурун кўпроқ қандай ишларни амалга ошириш мумкин? Дўстлар билан учрашув, ижтимоий тармоқларда ўтириш ёки янги сериал томоша қилишми? Аммо янги иш куни бошланишидан олдинги қимматли соатларни организмни самарали вазн йўқотишда дастурлаш учун ишлатиш ҳам мумкин. Бунинг учун Marie Claire нашри тақдим этган қоидаларга амал қилиш кифоя.
Кечаси спорт билан шуғулланинг
Биласизми, жисмоний фаоллик ва терлаш организмдан ортиқча суюқликни чиқариб ташлашга ёрдам беради ва бироз вазн камаяди. Агар кун соат ва дақиқалар бўйича режалаштирилган бўлса, буни қачон қилиш керак? Кечқурун ва тунги машғулотлар узоқ вақт ухлаб қолишга йўл қўймайди, деган қараш мавжуд. Аммо бундай эмас. Миллий Уйқу жамғармаси (АҚШда фаолият юритувчи ташкилот) кенг кўламли тадқиқот ўтказди, унга кўра ҳар қандай вақтда, ҳатто ётишдан олдин ҳам фитнес машғулотлари бажариш орқали 60 фоиз одамлар уйқу муаммосига дуч келмайди.
Кечки овқатда камроқ туз истеъмол қилинг
Аччиқ ва шўр таомлар, албатта, эрталаб шишган ҳолда уйғонишни хоҳламайдиганлар учун мос эмас. Ҳаммаси туз билан боғлиқ, шўр овқат одатдагидан кўпроқ суюқлик ичишга мажбур қилади ва унинг ортиқча қисми бутун тун организмда қолади, суюқликнинг микроциркуляциясини сақлаб қолади. Соғлом турмуш тарзи ҳақида гап кетганда, умуман олганда, тузни фақатгина меъёрда истеъмол қилиш мумкин. Шунинг учун кечқурун соя соуси билан зираворланган таомлар ўрнига қайнатилган ёки буғда пиширилган таомлар тавсия этилади.
Тушликни уйда тайёрланг
Ресторан таомлари ва фастфудлар бир таомда истеъмол қилиниши керак бўлган калориялардан ўртача икки баравар кўп калорияни ўз ичига олади. Шунинг учун энергия сарфи тушлик калориясидан кўпроқ бўлиши керак. Уйда таом тайёрлаш эса, албатта, устувор вазифадир, чунки нимани, қандай усулда ва қанча ёғ билан пиширилганини аниқ билиш мумкин. Аммо эрталаб шошилиб ким овқат тайёрлашга вақт топади? Шунинг учун кечаси соғлом тушликни тайёрлаш, қутига жойлаш кўпроқ энергия сарфлашга ёрдам беради.
Пардаларни тўқ ранглисига алмаштиринг
Мелатонин гормони организмга кўпроқ ёғ эритадиган калориялар ишлаб чиқаришга ёрдам беради. Мелатонин сиркадик ритмлар регулятори бўлиб, бунинг натижасида яхши ухлаш ва агар уйқу соғлом ва сифатли бўлса, дам олиш ва энергияга тўлиб уйғониш мумкин. Тўғри дам олиш — бу саломатлик ҳамда вазн камайтиришга ёрдам беради. Физиологик жиҳатдан мелатонин қоронғи тушганда ишлаб чиқарила бошлайди. Пардалар рангини қорага алмаштириш ва уларни фақат уйғониш вақти келганида очиш лозим. Худди шу сабабга кўра, барча гаджетларни олдиндан ўчириб қўйиш ёки уларни фақат уйғоткич режимига қўйиш тавсия этилади. Бу организмни яхшилашга қаратилган ҳаракатдир, аммо ортиқча вазн билан курашни яхши қўллаб-қувватлайди.
Иситкичларни ўчиринг (ёки деразани очинг)
Ухлаётганда ҳам ёғ эритиш мумкинми? Ҳам ухлаш, ҳам вазн йўқотиш ҳақиқатга тўғри келмайди. Аммо Миллий соғлиқни сақлаш институтлари томонидан ўтказилган тадқиқот шуни кўрсатадики, ухлаш вақтида 19 даража ҳароратда ухлаётганлар 24 даражада дам олганларга қараганда 7 фоиз кўпроқ калория сарфлаган.
Изоҳ (0)