Kechqurun ko‘proq qanday ishlarni amalga oshirish mumkin? Do‘stlar bilan uchrashuv, ijtimoiy tarmoqlarda o‘tirish yoki yangi serial tomosha qilishmi? Ammo yangi ish kuni boshlanishidan oldingi qimmatli soatlarni organizmni samarali vazn yo‘qotishda dasturlash uchun ishlatish ham mumkin. Buning uchun Marie Claire nashri taqdim etgan qoidalarga amal qilish kifoya.
Kechasi sport bilan shug‘ullaning
Bilasizmi, jismoniy faollik va terlash organizmdan ortiqcha suyuqlikni chiqarib tashlashga yordam beradi va biroz vazn kamayadi. Agar kun soat va daqiqalar bo‘yicha rejalashtirilgan bo‘lsa, buni qachon qilish kerak? Kechqurun va tungi mashg‘ulotlar uzoq vaqt uxlab qolishga yo‘l qo‘ymaydi, degan qarash mavjud. Ammo bunday emas. Milliy Uyqu jamg‘armasi (AQSHda faoliyat yurituvchi tashkilot) keng ko‘lamli tadqiqot o‘tkazdi, unga ko‘ra har qanday vaqtda, hatto yotishdan oldin ham fitnes mashg‘ulotlari bajarish orqali 60 foiz odamlar uyqu muammosiga duch kelmaydi.
Kechki ovqatda kamroq tuz iste’mol qiling
Achchiq va sho‘r taomlar, albatta, ertalab shishgan holda uyg‘onishni xohlamaydiganlar uchun mos emas. Hammasi tuz bilan bog‘liq, sho‘r ovqat odatdagidan ko‘proq suyuqlik ichishga majbur qiladi va uning ortiqcha qismi butun tun organizmda qoladi, suyuqlikning mikrosirkulyatsiyasini saqlab qoladi. Sog‘lom turmush tarzi haqida gap ketganda, umuman olganda, tuzni faqatgina me’yorda iste’mol qilish mumkin. Shuning uchun kechqurun soya sousi bilan ziravorlangan taomlar o‘rniga qaynatilgan yoki bug‘da pishirilgan taomlar tavsiya etiladi.
Tushlikni uyda tayyorlang
Restoran taomlari va fastfudlar bir taomda iste’mol qilinishi kerak bo‘lgan kaloriyalardan o‘rtacha ikki baravar ko‘p kaloriyani o‘z ichiga oladi. Shuning uchun energiya sarfi tushlik kaloriyasidan ko‘proq bo‘lishi kerak. Uyda taom tayyorlash esa, albatta, ustuvor vazifadir, chunki nimani, qanday usulda va qancha yog‘ bilan pishirilganini aniq bilish mumkin. Ammo ertalab shoshilib kim ovqat tayyorlashga vaqt topadi? Shuning uchun kechasi sog‘lom tushlikni tayyorlash, qutiga joylash ko‘proq energiya sarflashga yordam beradi.
Pardalarni to‘q ranglisiga almashtiring
Melatonin gormoni organizmga ko‘proq yog‘ eritadigan kaloriyalar ishlab chiqarishga yordam beradi. Melatonin sirkadik ritmlar regulyatori bo‘lib, buning natijasida yaxshi uxlash va agar uyqu sog‘lom va sifatli bo‘lsa, dam olish va energiyaga to‘lib uyg‘onish mumkin. To‘g‘ri dam olish — bu salomatlik hamda vazn kamaytirishga yordam beradi. Fiziologik jihatdan melatonin qorong‘i tushganda ishlab chiqarila boshlaydi. Pardalar rangini qoraga almashtirish va ularni faqat uyg‘onish vaqti kelganida ochish lozim. Xuddi shu sababga ko‘ra, barcha gadjetlarni oldindan o‘chirib qo‘yish yoki ularni faqat uyg‘otkich rejimiga qo‘yish tavsiya etiladi. Bu organizmni yaxshilashga qaratilgan harakatdir, ammo ortiqcha vazn bilan kurashni yaxshi qo‘llab-quvvatlaydi.
Isitkichlarni o‘chiring (yoki derazani oching)
Uxlayotganda ham yog‘ eritish mumkinmi? Ham uxlash, ham vazn yo‘qotish haqiqatga to‘g‘ri kelmaydi. Ammo Milliy sog‘liqni saqlash institutlari tomonidan o‘tkazilgan tadqiqot shuni ko‘rsatadiki, uxlash vaqtida 19 daraja haroratda uxlayotganlar 24 darajada dam olganlarga qaraganda 7 foiz ko‘proq kaloriya sarflagan.
Izoh (0)