Аччиқ таом, спиртли ичимликлар, ҳомиладорлик — бу ҳар бир катталар ҳаётида камида бир неча марта дуч келган жиғилдон қайнашининг бир нечта сабабларидан биридир. Кўпгина ҳолларда бу нохуш туйғу бутунлай зарарсиз сабабларга кўра юзага келади ва ўз-ўзидан ўтиб кетади, лекин баъзида жиддий касалликларнинг аломати бўлиши ҳам мумкин. Сўнгги пайтларда тез-тез жиғилдон қайнашини бошдан кечираётганлар рацион ёки турмуш тарзини ўзгартиришига қарамай, йўқолмаса, албатта шифокорга мурожаат қилиши керак. «Новий очаг» нашри жиғилдон қайнашининг 5 та жиддий сабабини санаб ўтди.
Юрак хуружи
Юрак хуружининг дастлабки белгилари жиғилдон қайнашига ўхшаш бўлиши мумкин — кўкрак қафасидаги бир хил ачишиш ҳисси. Аммо агар жиғилдон қайнаши белгилари қизилўнгачнинг тирнаш хусусияти туфайли юзага келган бўлса, бунга сабаб юракка қон оқимининг пасайиши ҳисобланади. Жиғилдон қайнаши ва юрак хуружи белгиларида бироз фарқ бор (масалан, қайнаш оғизда нордон таъм билан бирга келади ва бемор ёца кучаяди), аммо фақат шифокор аниқ ташхис қўйиши мумкин. Агар жиғилдон юрак хуружининг бошқа белгилари — қўл, жағ ёки белдаги оғриқлар, заифлик, ошқозон оғриғи билан бирга кузатилса, имкон қадар тезроқ шифокорга мурожаат қилиш лозим.
Ўт пуфагидаги тошлар
Ўт пуфагида қотиб қолган ошқозон кислотаси бўлаклари ўт йўлини тўсиб қўяди ва қориннинг юқори қисмида оғриқ келтириб чиқаради. Оғриқ, одатда, овқатдан сўнг дарҳол пайдо бўлади ва бу жиғилдон қайнашига қарши дорилар билан бартараф этилмайди. Агар шундай ҳолат юз берса, иложи борича тезроқ шифокорга мурожаат қилиш лозим.
ГЕРД
ГЕРД (гастроэзофагиал рефлюкс касаллиги) сурункали касаллик бўлиб, унда ошқозон кислотаси қизилўнгачга ташланади. Маълумотларга кўра, аксарият инсонлар ушбу касалликнинг бир ёки бошқа шаклидан азият чекмоқда. Жиғилдон қайнаши бу касалликнинг энг ишончли белгиларидан биридир. Агар ҳафтада камида икки марта кўнгил айниши кузатилса, гастроэнтерологга мурожаат қилиш лозим.
Ошқозон яраси
Ошқозон ярасидан келиб чиқадиган оғриқ кўпинча қориннинг юқори қисмида ёки ошқозонда пайдо бўлади, аммо баъзи ҳолларда у юқори қизилўнгачда ҳам сезилиши мумкин. Бу айниқса касалликнинг дастлабки босқичларида кенг тарқалган. Унутмаслик лозим, ошқозон яраси даволанишни ва махсус парҳезни талаб қиладиган жиддий касалликдир!
Қизилўнгач ёки ошқозон саратони
Жиғилдон қайнаши қизилўнгач ёки ошқозон саратони ривожланишидан огоҳлантирувчи дастлабки аломатлардан биридир. Хавотир учун алоҳида сабаб узоқ вақт давомида ўтиб кетмайдиган доимий жиғилдон қайнашидир. Жиғилдон қайнаши сабабсиз вазн йўқотиш, газ ҳосил бўлишининг кўпайиши, кўнгил айниши, ошқозоннинг юқори қисмида оғриқ билан бирга кузатилса, иложи борича тезроқ шифокор кўригидан ўтиш лозим.
Изоҳ (0)