Parhezshunoslar vazn kamaytirishning ajoyib yo‘lini taklif qilmoqda — odatdagi shirinliklarni arab xurmosi bilan almashtirish. Bu mevalar vitamin va minerallarni o‘z ichiga oladi, ulardan foydalanish organizmga ozuqa moddalarining yetishmasligini to‘ldirishga yordam beradi. Xurmo parheziga rioya qilgan holda ovqatlanishni qanday tashkil qilish kerak? Wday nashri quyida ushbu savolga javob berdi.
Arab xurmosi va parhez: quritilgan mevalarni qanday iste’mol qilish kerak?
Yuqori kaloriya miqdori (280 kkal / 100 g) va shirinligiga qaramay, arab xurmosi parhez davomida iste’mol qilishga ruxsat berilgan mahsulot hisoblanadi. Kam uglevodli ratsionga rioya qilinsa ham, quritilgan mevalarni iste’mol qilish mumkin, lekin oz miqdorda.
Arab xurmosi fruktoza va glyukoza tufayli shirin bo‘lib, ular organizm tomonidan tez so‘riladi. Saxarozadan farqli o‘laroq, bu moddalar yog‘ zaxiralarida saqlanmaydi, butunlay energiyaga aylanadi. Ammo shuni yodda tutish kerakki, qattiq jismoniy zo‘riqishsiz quritilgan mevalar iste’mol qilinsa, parhez ish bermaydi, aksincha vazn ortadi. Arab xurmosi har ovqatdan 40 daqiqa o‘tgach iste’mol qilinishi kerak. 19:00 dan 6:00 gacha quritilgan mevalarni tanovul qilish tavsiya etilmaydi.
Ratsiondagi shirinliklar o‘rniga arab xurmosi organizmning vitamin va minerallarga bo‘lgan kunlik ehtiyojini qoplaydi. Kuniga 10 tadan ko‘p bo‘lmagan meva iste’mol qilish mumkin, u toza suv yoki ko‘kl choy bilan yuviladi.
Arab xurmosi bilan parhez: mutaxassis tavsiyalari
Faqat xurmolarni o‘z ichiga olgan parhez mono-parhez bo‘lib, uni 5 kundan ortiq qo‘llamaslik kerak. Mahsulotlardan quritilgan mevalar va toza suv, o‘simlik damlamalari, ko‘k choy va qahvalarni kunlik ratsionga kiritish mumkin. Parhezning 4-kunida yashil olma ratsionga kiritiladi.
Xurmo bilan parhez qilish shuni ko‘rsatdiki, meva 8 kilogrammgacha vazn yo‘qotishga yordam beradi. Ammo bu organizmning kerakli miqdorda oqsil olishiga to‘sqinlik qiladigan qattiq parhezdir. Uning davomiyligi uchun intensiv jismoniy faoliyatni to‘xtatish kerak, aks holda mushaklar yog‘ bilan birga parchalana boshlaydi.
Parhezshunoslar xurmolarni sabzavot va sut mahsulotlari bilan birlashtirishni maslahat beradi. Bunday parhez faqat organizmga foyda keltiradi va ortiqcha vazndan xalos bo‘lishga yordam beradi.
Xurmoni tashkil etuvchi moddalar organizmdan ortiqcha namlikni chiqarib tashlaydi, uni energiya bilan to‘ydiradi. Ammo yuqori samaradorlik uchun parhezni to‘g‘ri suv rejimi va o‘rtacha jismoniy faoliyat bilan birlashtirish kerak.
Izoh (0)