Бугун,

  • USD 11095.31
  • RUB 173.84
  • EUR 10772.44

НАТО давлатлари Афғонистон миллий армиясини қўллаб-қувватлаш учун ажратилган 3,4 миллиард долларни Украинага беришга қарор қилиши мумкин. Бу ҳақда мунозарадан хабардор ғарб шахсларга таяниб, Politico хабар берди.

Фото: nato.int

Фото: nato.int
Альянсда Афғонистон миллий армиясини қўллаб-қувватлаш бўйича жамғарма мавжуд бўлиб, у ҳарбий техника етказиб бериш ва ҳарбийларни ўқитишга қаратилган. Киев НАТОдан Россияга қарши курашда ёрдам бериш учун 3,4 миллиард долларнинг бир қисмини ўтказиш масаласини кўриб чиқишни сўраган.

НАТОда бундай қарор қабул қилишда жиддий тўсиқлар йўқ. Бу баъзи мамлакатлар Украинага ҳарбий ёрдам бериш борасида ички кескинликка дуч келиши фонида юз бермоқда. Ғарб қўшинлари Афғонистондан олиб чиқиб кетилганидан кейин жамғарма фаолияти музлатиб қўйилган. Альянс пулларнинг мамлакатларга қайтарилиши ёки бошқа дастурларга ўтказишни кўриб чиқмоқда. Ҳар бир давлат ўз пулларини қандай бошқаришни ўзи ҳал қилиши керак. Айрим давлатлар Украинага қисман ёки тўлиқ пул ўтказиш масаласини кўриб чиқишга тайёрлигини билдирган.

Politico нашри хабар юзасидан Украина расмийларига юзланган, бироқ улар изоҳ беришдан бош тортган, НАТО донор мамлакатларга маблағларни қайтариш масаласи кўриб чиқилаётганини таъкидлаган. Литва ва Нидерландия Афғонистон жамғармаси маблағларининг бир қисмини ёки тўлиғини Украинага беришга тайёрлигини билдирган.

Эслатиб ўтамиз, Украина ташқи ишлар вазири Дмитрий Кулеба НАТО мамлакатларини Украинага иложи борича тезроқ қурол-яроғ юборишга ва Ғарбда янги қурол ишлаб чиқариш корхоналарини очишга чақирганди.

Мавзуга доир:

Изоҳ
Асосий янгиликлар
Маҳаллий
АОКА “Human.uz” журналистлари билан боғлиқ ҳолат юзасидан муносабат билдирди 
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg