Ukrainani hozircha NATOga qabul qilishmoqchi emas — Bloomberg

NATO mamlakatlari tashqi ishlar vazirlari Buxarestdagi uchrashuvda Ukraina uchun alyans eshiklari ochiqligini, ammo “hozir uning a’zo bo‘lishi uchun qulay fursat emasligi”ni e’lon qiladi. Bu haqda Bloomberg o‘z manbalariga tayanib xabar bermoqda. Vazirlar Ruminiya poytaxtida bugun, 29-noyabr kuni uchrashadi.

O‘z ismini oshkor qilmagan yevropalik diplomatning so‘zlariga ko‘ra, NATOning ba’zi mamlakatlari alyansga a’zolik yo‘lida “Kiyevga ochiqroq yo‘l taqdim etish”ni talab qilmoqda, biroq bu masalada konsensus mavjud emas. Bloomberg ma’lumotlariga ko‘ra, Ukraina ittifoqchilari uning NATOga qo‘shilish bo‘yicha so‘roviga ehtiyotkorlik bilan yondashgan, chunki “blokning kollektiv mudofaa bo‘yicha majburiyatlari ularni Rossiya bilan to‘g‘ridan-to‘g‘ri ziddiyatga tortishi mumkin”.

Ukraina NATOga tezlashtirilgan tartibda a’zo bo‘lish uchun ariza topshirdi

Oq uy jarayonni boshqa vaqtda muhokama qilish kerak, deb hisoblamoqda.