«Толибон» аъзолари Афғонистонда ҳокимият тепасига келганидан кейин биринчи марта оммавий қатлни амалга оширди. Бу ҳақда The Washington Times хабар берди.
«Толибон» расмий вакили Забиуллоҳ Мужоҳид мазкур маълумотни тасдиқлаган. Жумладан, беш йил аввал содир этган қотиллик, мотоцикл ва мобил телефон ўғирлашда айбланиб, афғонистонлик эркак ўлимга ҳукм қилинган. Қатл маросимида юзлаб томошабинлар, шунингдек, давлат амалдорлари иштирок этган.
Мужоҳиднинг сўзларига кўра, ўлим ҳукми ҳақида «Толибон»нинг олий раҳбари Ҳайбатуллоҳ Охундзода Мужоҳид билан музокара қилинган. Ижро этиш тўғрисидаги қарор «жуда эҳтиёткорлик билан» қабул қилинган ва учта суд билан келишилган.
Ноябрь ойида «Толибон»нинг эзгуликни тарғиб қилиш ва иллатларнинг олдини олиш бўйича админстрацияси вакили Марям исмли ўсмир қизни унга турмушга чиқишдан бош тортгани учун ўлдирганди. Маълумотни «Толибон» ҳукумати вакиллари ҳам тасдиқлаган. Эркак эса ҳибсга олинган, у ҳозир қамоқда.
Изоҳ (0)