АҚШ собиқ президенти Дональд Трамп 2024 йилги президентлик сайловларида ғалаба қозонса, мамлакатдаги сайлов тизимини ўзгартиришга ваъда берди, деб ёзмоқда CNBC.
Трамп овоз беришдаги чекловлар рўйхатини ўзгартириш, фақат қоғоз бюллетенларни қайтариш, сайлов учун бир кун вақт бериш ҳамда овоз беришда қатнашмоқчи бўлганлар учун мажбурий фото ИД жорий этиш режаларини маълум қилди. Шунингдек, у «барча овозлар сайлов кечаси санаб чиқилади» деган қоидани ҳам қайтармоқчи.
«Мен шундай қиламан. Бу мен учун ўта шахсий масала ва буни юрагимга жуда яқин қабул қиламан», — деди Трамп.
Трамп 2017—2020 йилларда АҚШ президенти бўлган. 2020 йилги сайловларда мағлуб бўлганидан кейин Трамп Оқ уйдаги нутқида аслида у ғалаба қозонганини, аммо овозларни санашда «коррупция ва фирибгарлик» бўлганини айтганди.
16 ноябрь куни Трамп 2024 йилги президент сайловига ўз номзодини қўйгани ҳақида эълон қилди.
Амалдаги президент Жо Байден октябрь бошида 2024 йилги президент сайловида Трампни яна мағлуб этишига ишонишини айтганди. Шу билан бирга, у сайловда қатнашиш ҳақида қарор қабул қилганича йўқ, бироқ буни Конгрессга сайловлардан кейин ҳал қилишини айтган.
Изоҳ (0)