15 ноябрь оқшомида Польша ҳудудига тушган ракеталар, дастлабки маълумотларга кўра, Россия ракеталарини уриб тушириш учун Украина Қуролли кучлари томонидан отилган. Бу ҳақда АҚШнинг уч нафар расмий вакилига таяниб. Associated Press хабар берди. Шу куни Украина инфратузилмаси Россия томонидан кенг кўламда ракета ҳужумларига учраган эди, Украина Қуролли кучлари уларнинг аксарият қисмини уриб туширган.
Аввалроқ агентлик Америка разведкасидаги манбага таяниб, Польшага қулаган ракеталар Россияга тегишли бўлиши мумкинлиги ҳақида хабар берганди. Польша Ташқи ишлар вазирлиги ҳам уларнинг «Россияда ишлаб чиқарилган»ини тасдиқлаган. Шу билан бирга, Польша президенти Анжей Дуда Варшавада ракеталарни ким учиргани ҳақида маълумот йўқлигини таъкидлади.
Пентагон матбуот котиби Пет Райдер журналистларга ракеталарнинг кимга тегишли эканини ҳали тасдиқлай олмаслигини айтган. АҚШ президенти Жо Байден ҳам уларнинг Россиядан учирилгани ҳозирча рад этилаётгани ҳақида гапирди.
15 ноябрь куни кечқурун Польшанинг Украина билан чегарадан 8 километр узоқликдаги Пшеводов қишлоғига иккита ракета қулади, оқибатда икки киши ҳалок бўлди. Шундан сўнг Польша бош вазири Матеуш Моравецкий Миллий хавфсизлик қўмитасининг шошилинч йиғилишини ўтказди, Польша Ташқи ишлар вазирлиги эса Россия элчисини чақиртирди.
Изоҳ (0)