Ўзбекистонда овлаш тақиқланган тасқара отиб ўлдирилгани ҳақида хабар берилган эди. Давлат экология қўмитаси матбуот хизмати ҳолат юзасидан муносабат билдирди.
Таъкидланишича, тасқара Ўзбекистон «Қизил китоб»ига киритилган ўтроқ, мозаик тарқалган қуш тури ҳисобланади. Жиноят кодексининг 202-моддаси «ж» бандига кўра, «Қизил китоб»га киритилган ҳайвонот ёки ўсимлик дунёси турлари нобуд қилинган бўлса, базавий ҳисоблаш миқдори (300 минг сўм)нинг тўрт юз бараваридан олти юз бараваригача миқдорида жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш жазоси қўлланади.
Давлат экология қўмитаси ва Ички ишлар органлари ходимларидан иборат «Экологик патруль» гуруҳи томонидан расмда кўрсатилган ҳолат содир этилган манзил ва фуқароларнинг шахсини аниқлаш юзасидан ҳозирда ўрганиш ишлари олиб борилмоқда. Ушбу ҳолат юзасидан қўшимча маълумот берилади.
Мавзуга доир: Бош прокуратура «Қизил китоб»га киритилган тасқара отиб ўлдирилгани юзасидан текширув ўтказади
Изоҳ (0)