Ўзбекистондаги метан заправкаларда ўрнатилган чеклов сабаб республиканинг кўплаб ҳудудида турнақатор навбатлар, юк автомобиллари билан боғлиқ ҳолатларда эса муаммолар юзага келмоқда.
“Дарё” мухбирлари ҳудудлардаги метан заправкаларда бўлиб, юзага келган ҳолатни ўргaнди.
Наманган
Намангaрда 9 ноябрдан бошлаб метан газ заправкаларида турнақатор навбатлар бошланган. “Дарё” мухбири Азизбек Абдувалиев билан суҳбатда бўлган ҳайдовчилар илгари 10-15 дақиқада автомобилларига газ тўлдиришган бўлса, ҳозир бу жараён бир соат ва ундан кўпга чўзилаётганини айтмоқда.
Мутасаддиларнинг билдиришича, метан газ заправкалари фаолияти учун расман чеклов жорий этилмаган, лекин газ босимининг пастлиги туфайли шохобчалар эрталаб соат 5:00 дан кечки 17:00 гача ишламоқда. Қолаверса, аксар жойларда газнинг босими одатий 200 босим ўрнига 150-160 босимни ташкил этмоқда.
Шунингдек, Намангaндаги газ заправкаларида бир кубометр газ нархи 2600 сўмдан 2800 сўмгача кўтарилган.
Фарғона
“Дарё”нинг Фарғона вилоятидаги мухбири Азизжон Эрматовнинг хабар беришича, Фарғонада ҳам 9 ноябрдан бошлаб вилоят ҳудудидаги автомобилларга газ тўлдириш шохобчаларида табиий газ етказиб бериш ҳар куни соат 18:00 дан соат 06:00 га қадар тўхтатилган.
Масъулларнинг маълумот беришича, чекловлар биринчи навбатда табиий газ етказиб берилиши муҳим ҳисобланган аҳоли, шифохона, мактаб ҳамда мактаб гача таълим ташкилоти каби аҳамиятга эга муассасаларнинг табиий газ таъминотида барқарорлигини таъминлаш мақсадида киритилган.
Вилоятимизда аҳоли ва ижтимоий соҳа объектларини узлуксиз табиий газ билан таъминлаш мақсадида маҳаллий ҳокимликлар қарорига асосан 2022 йил 9 ноябрь кунидан бошлаб АГTКШлар (автомобилларга газ қуйиш шохобчалари) фаолияти тонгги соат 6:00 дан тунги 18:00 га қадар этиб белгилaнди. Шуни инобатга олган ҳолда автотранспорт воситаларингиз учун зарур бўлган газ ёқилғисини белгиланган вақт (06:00—18:00) оралғида тўлдириб олишингиз сўралади. Фарғона вилоятида жамоат транспорти нарх-наволарида ўзгариш бўлмаслиги доимий назоратга олинади, — дейилади Фарғона вилояти транспорт бошқармасининг ахборотида.
“Дарё” мухбирининг ма’лум қилишича, айни вақтда вилоятдаги ко‘плаб метан заправкалар олдида навбатлар юзага келишни бошлаган. Айрим заправкалар эса вақтинчалик фаолиятини то‘хтатган.
Ҳайдовчиларнинг айтишича, газ то‘лдириш шохобчаларидаги навбатларнинг юзага келиши заправкалар фаолиятига киритилган чекловлар билан бог‘лиқ. Навбатлар туфайли автомашинага газ то‘лдириш вақти ҳам узайиб, икки-уч соатгача чо‘зилмоқда.
Ҳали қиш бошлангани йўқ, ҳаво ҳарорати ҳам яхши. Нима учун ҳозирдан чеклов киритилди, ҳайронман. Заправкалар иш вақтининг қисқариши ортидан кундан кунга навбатлар ҳам кўпайиб кетяпти. Заправкалар эрталаб соат 6:00 дан иш бошлайди дейишгaнди. Мана, соат ўндан ошди, ҳали очилгани, газ қуйишни бошлагани йўқ, — дейди Қўқон шаҳридаги заправкалардан бирида навбатда турган ҳайдовчи Сарвар Аслиддинов.
Бағдод туманидаги автомобилларга газ тўлдириш шохобчаларида кеч соат 19:00 да ҳам ўнлаб автомашиналар навбатда турганига гувоҳ бўлдик. Ҳайдовчиларнинг айтишича, газ-заправкалар тонг соат 06:00 да иш бошлайди. Шундай бўлса-да, кўпчилик ҳайдовчилар машиналарини бир кун олдин шу ерда қолдиришга ҳаракат қилади ёки мажбур бо‘лади. Мақсад — қаторнинг бошроғидан жой эгаллаш ва эртароқ газ тўлдириб олиш.
Шунингдек, Фарғона вилоятида жойлашган автомобилларга газ қуйиш шохобчаларида 9 ноябрь кунидан бошлаб 1 куб/метр метан газининг нархи бирданига 500 сўмга ошиб, 2300 сўмдан 2800 сўмга кўтаририлган. Бу ҳам ҳайдовчиларнинг эътирозига сабаб бўлмоқда.
Чеклов киритишдан мақсад нархни ошириш, менимча. Кеча 2300 сўмдан сотилган газ бугун 2800 сўмга кўтарилиб кетибди. 100-200 сўм қўшилса ҳам унча билинмасди, бирданига 500 сўмга ҳам оширадими нархни. Nexia машинам бор, нарх ошмасидан олдин 50-55 минг сўмга газ тўлдирар эдим, бугун 64 минг сўмга тўлди, — дейди Фарғона шаҳридаги заправкалардан бирида навбатда турган ҳайдовчи Исроил Ҳамидов.
Aндижон
“Дарё”нинг Aндижон вилоятидаги мухбири Умиджон Мамарасуловнинг маълум қилишича, вилоятда автомобилларга газ тўлдириш шохобчаларида чеклов ўрнатилиши ҳақидаги хабарлар тарқалишидан бир кун олдин Андижонда заправкалардаги бир кубометр газ нархи 2000 сўмдан 2800 сўмга кўтарилган.
Газ нархининг ошиши ҳозирча йўл кира нархларига таъсир қилганича йўқ. Чунки газ нархи тушганида ҳам йўл киралар тушмаган эди. Балки яқин орада ҳайдовчилар чекловларни баҳона қилиб, ошириб олишар. Одатда ҳар йили октябрь ва ноябрь ойларида нархлар 1000 сўмдан 3000 сўмгача кўтарилади. Таксистларга нега бундай қиляпсизлар десак, баҳона тайёр эди. Чеклов ўрнатилиши уларнинг байрами десак, янглишмаймиз. Мисол учун аввал шаҳарда чиқиб-тушиш 2000 сўм эди. Ўтган йили 3000 сўмдан 5000 сўмгача кўтарилди. Ҳеч ким инсофсиз ҳайдовчиларга чора кўрмагани учун ҳам улар ўз билганини қилиб юрибди,— дейди Холида Холмуродова.
Чекловларга қарамасдан Aндижондаги метан заправкаларда айни кунларда турнақатор навбатлар ё‘қ.
Чекловлар о‘рнатилишига о‘рганиб қолганмиз. Қиш келиши билан одатий ҳолат. Гапирсак ҳеч ким бизни тингламагandан кейин наилож шунга ко‘нишга мажбурмиз. Аввалари бир кунимиз заправкада о‘тарди. Ҳозир узог‘и бир-икки соатда чиқиб кетяпмиз. Кунлар совуши билан балки яна одатдагидек умримиз заправкада о‘тар. Лекин аввалгидек тоқат қолмаган. Шу сабабли чеклов о‘рнатилди дейилган куниёқ ишдан чиқиб борган биринчи жойим бензин заправка бо‘лди. Бор пулимга бензин қуйиб олдим. Эртага буни ҳам нархи икки баробарга ошади. Булар бировни о‘йламайди, —дейди Алижон Абдураимов.
Қашқадарё
“Дарё”нинг Қашқадарё вилоятидаги вакили Муроджон Амировнинг ма’лумот беришича, чекловлар сабаб М39 халқаро автомобиль ё‘лида Тошкентдан келаётган ва пойтахтга кетувчи автомобилларнинг ё‘лда қолиб кетиш ҳолати кузатилмоқда.
Чеклов сабаб совуқда қолиб кетяпмиз. Кеча машинамга помидор юклаб, Сурхондарёдан Бухоро вилоятига кетаётгandик. Сурхондарё вилоятининг Шеробод туманидаги газ заправкада қолиб кетдик. Мижозга айтилган вақтда маҳсулотни етказиб беролмаяпмиз. Энди унга нима деймиз ҳайронман, — дейди “Дарё” мухбири билан суҳбатлашган юк автомобили ҳайдовчиларидан бири.
Ҳайдовчилар чекловлар вақтини о‘згартириш борасида таклиф бермоқда.
Чеклов соат кечки пайт 17:00 дан бошланиши жуда ноқулай бо‘ляпти. Бу вақт масаласида яна о‘йлаб ко‘риб, асосий ё‘лларда ҳайдовчиларнинг ҳаракатни давом эттириб, ко‘чада қолмаслигига имконият яратилса яхши бо‘ларди. Ҳозир газимиз тугаб, ко‘чада қолиб кетяпмиз ва газ заправкалар эрталаб ишини бошлагунча, ко‘чада о‘тиришга мажбурмиз. Таг‘инам заправкалар соат 06:00 дан ишлайди дейилса-да, улар иш бошлагунча соат 10 бо‘либ кетяпти, — дейди юк автомобиль ҳайдовчиси.
Яна бир ҳайдовчи чеклов автомобилига метан газ баллон о‘рнатган ҳайдовчилар учун ноқулайлик туг‘диришини, бир вақтда барча заправкаларни ёпиб қо‘ймасдан, ҳайдовчиларга хизмат ко‘рсатиш учун навбати билан ишлашга рухсат берилиши тарафдори эканини билдирмоқда.
Ҳаммасини бир вақтда ёпишаётгани боис, қийналяпмиз. Майли, аҳолига газ етказиш учун ёпишсин, фақат заправкаларнинг барчасини бир вақтда ёпмай, галма-галдан ишлайдиган қилишса яхши бо‘ларди, — дейди суҳбатдош.
Қорақалпог‘истон
“Дарё”нинг Қорақалпог‘истондаги мухбири Шуҳрат Саидаҳмадовнинг ма’лумот беришича, ҳудуддаги газ қуйиш шохобчалари бир кунда 12 соат ишлайдиган бо‘лди
“Ҳудудгаз Қорақалпог‘истон” газ та’миноти филиалининг “Дарё”га ма’лум қилишича, Қорақалпог‘истондаги метан заправкалар 10 ноябрдан бошлаб эрталабки соат 06:00 дан кечки 18:00 гача ишлайди. Бу ҳаво ҳароратининг кескин совиб кетиши билан бог‘ланмоқда. Ҳозирча махсус иш тартиби қачонга бориб яна о‘з ҳолатига қайтиши нома’лум.
“Дарё” мухбирининг аниқлаштиришича, ҳозир Қорақалпог‘истон маркази Нукусда газ нархи 2400—2500 минг со‘мни ташкил қилмоқда. Қорақалпог‘истоннинг жанубий туманлари То‘ртко‘л, Беруний ва Элликқал’ада эса газ нархи 2200—2400 минг со‘мдан сотилмоқда. Юқоридаги нархлар қисман о‘згаришларни ҳисобга олмагandа охирги 4-5 ойдан бери деярли о‘згармаган.
Изоҳ (0)