Бугун,

  • USD 11095.31
  • RUB 173.84
  • EUR 10772.44

АҚШнинг Powerball лотереяси жекпоти 5 ноябрь кунги ўйинда ғолиб аниқланмагач, 1,9 миллиард долларга кўтарилди. Бу лотереяда ютиш мумкин бўлган тарихдаги энг катта ютуқдир.

Энг йирик жекпот бўйича аввалги жаҳон рекорди 2016 йилда ўрнатилган, ўшанда 1,59 миллиард доллар учта Powerball ўйинчиси ўртасида бўлинган эди.

Powerball чипталари 2 доллар туради ва ғолиб ҳозирда 929 миллион долларга баҳоланган бир марталик тўлов ёки 29 йил давомида тўлиқ тўланадиган аннуитет (яъни йиллик тўлов) олиш имкониятига эга. Деярли барча ғолиблар нақд тўлов вариантини танлайдилар.

Жекпотни чиптадаги олтита асосий рақам мос келганда ютиб олиш мумкин. Агар бундай чипталар бир нечта бўлса, ютуқ уларнинг эгалари ўртасида тенг тақсимланади.

Охирги марта жекпот 3 август куни ғолиб 206,9 миллион доллар миқдорида бир марталик ютуққа эга бўлганида қўлга киритилган.

1992 йилда ташкил этилган Powerball лотереясида АҚШнинг 50 штатидан 45 таси, пойтахт Вашингтон жойлашган Колумбия маъмурий округи, шунингдек, Пуэрто-Рико ва Виржиния ороллари иштирок этади.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди