AQSHning Powerball lotereyasi jekpoti 5-noyabr kungi o‘yinda g‘olib aniqlanmagach, 1,9 milliard dollarga ko‘tarildi. Bu lotereyada yutish mumkin bo'lgan tarixdagi eng katta yutuqdir.
Eng yirik jekpot bo‘yicha avvalgi jahon rekordi 2016-yilda o‘rnatilgan, o‘shanda 1,59 milliard dollar uchta Powerball o‘yinchisi o‘rtasida bo‘lingan edi.
Powerball chiptalari 2 dollar turadi va g'olib hozirda 929 million dollarga baholangan bir martalik to'lov yoki 29 yil davomida to'liq to'lanadigan annuitet (ya'ni yillik to'lov) olish imkoniyatiga ega. Deyarli barcha g'oliblar naqd to'lov variantini tanlaydilar.
Jekpotni chiptadagi oltita asosiy raqam mos kelganda yutib olish mumkin. Agar bunday chiptalar bir nechta bo'lsa, yutuq ularning egalari o'rtasida teng taqsimlanadi.
Oxirgi marta jekpot 3 avgust kuni g‘olib 206,9 million dollar miqdorida bir martalik yutuqqa ega bo‘lganida qo‘lga kiritilgan.
1992-yilda tashkil etilgan Powerball lotereyasida AQSHning 50 shtatidan 45 tasi, poytaxt Vashington joylashgan Kolumbiya ma’muriy okrugi, shuningdek, Puerto-Riko va Virjiniya orollari ishtirok etadi.
Izoh (0)