Dimorf астероиди DART зонди билан тўқнашганидан кейин, ўз орбитасини ўзгартирган — миссия доирасида айнан шу нарса режалаштирилган эди. Бу ҳақда NASA хабар берди.
Тўқнашувдан кейин ўтказилган кузатувлар кўрсатишича, Dimorfнинг йирикроқ астероид — Дидим атрофида айланиш орбитал даври 32 дақиқага — 11 соат-у 55 дақиқадан 11 соат-у 23 дақиқагача қисқарган. Бундан ташқари, иккита астероиднинг бир-бирига нисбатан жойлашуви ўзгарган.
DART миссияси самовий жисм траекториясини ўзгартиришга қаратилган тарихдаги биринчи миссияга айланди. Бундай технология келажакда Ернинг қандайдир астероид билан тўқнашуви олдини олиш учун фойдаланилиши кўзда тутилмоқда.
Айни пайтда Dimorf ва Дидим Ердан тахминан 11 миллион километр масофада жойлашган. NASA қайд этишича, ушбу астероидлар Ер учун ҳеч қандай хавф туғдирмайди.
Астероидга зарба берилди
Эслатиб ўтамиз, Американинг DART (Доубле Астероид Реdirectионс Тест) зонди Dimorf астероиди парвоз траекториясини ўзгартириш бўйича эксперимент доирасида ушбу фазовий жисм билан тўқнашганди. Зонднинг астероид билан тўқнашуви Тошкент вақти билан 27 сентябрь куни 4:15 да юз берди.DART зонди датчиклар, антенналар, ионли двигателлар, иккита қуёш батареяси ва ДРАCО камераси (у орқали Ерга реал вақт режимида тасвирлар юборилади) билан жиҳозланган, 600 кг оғирликка эга куб шаклидаги қурилмадир. Зонднинг тезлиги соатига 21 160 километрга етади. У 2021 йил ноябрида SpaceX компаниясининг Falcon 9 элтувчи ракетасида учирилган эди.
Dimorf астероиди Ерга яқин Дидим астероид тизимида айланиб юради. Dimorf Ер учун хавфли эмас, унинг диаметри 160 метрга тенг.
Изоҳ (0)