Bugun,

  • USD 11095.31
  • RUB 173.84
  • EUR 10772.44

Yerga ikkita asteroid yaqinlashmoqda, ularning har biri osmono‘par binoning o‘lchamiga teng. Ular 29—30-iyul kunlari sayyora yonidan uchib o‘tadi, deb yozmoqda Live Science.

Foto: Freepik

Foto: Freepik

2016 CZ31 deb nomlangan birinchi kosmik jism 55 618 km/soat tezlikda harakatlanmoqda. Astronomlarning hisob-kitoblariga ko‘ra, asteroidning eni taxminan 122 metrni tashkil etadi, buni 40 qavatli bino bilan solishtirish mumkin.

U 29-iyul kuni Yerga eng yaqin keladi va 2,8 million kilometr masofada uchadi. Bu sayyoramiz va Oy o‘rtasidagi o‘rtacha masofadan yetti baravar ko‘p. NASA ma’lum qilishicha, ushbu kosmik tosh Yerga bir necha yilda bir marta yaqinlashadi, keyingi bunday yaqinlashuv 2028-yilning yanvarida kuzatiladi.

“NASA va boshqa kosmik agentliklar Yerga yaqin bo‘lgan minglab shunga o‘xshash obyektlarni diqqat bilan kuzatib bormoqda. Asteroidning traektoriyasi sayyoramizdan millionlab kilometr uzoqlikda bo‘lsa ham, asteroid orbitasi biroz o‘zgarishi mumkin. Bunday kichik siljish kelajakdagi parvoz paytida asteroidning Yer bilan to‘qnashuviga olib kelishi mumkin”, deb ta’kidlaydi Live Science.

Ikkinchi asteroid — 2013 CU83 30-iyul kuni Yer yonidan 21 168 km/soat tezlikda uchib o‘tadi. U birinchisidan kattaroq, diametri 183 metr, sayyoraga maksimal 6,96 million kilometr yaqinlashadi. Bu sayyoramiz va uning sun’iy yo‘ldoshi orasidagi o‘rtacha masofadan taxminan 18 baravar ko‘p.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)