Bugun,

  • USD 11095.31
  • RUB 173.84
  • EUR 10772.44

Amerikaning DART (Double Asteroid Redirections Test) zondi Dimorfoz asteroid parvoz trayektoriyasini o‘zgartirish bo‘yicha eksperiment doirasida ushbu fazoviy jism bilan to‘qnashdi. Hodisa AQSH Aeronavtika va kosmik makonni tadqiq qilish milliy boshqarmasi (NASA) matbuot xizmati tomonidan YouTube orqali translyatsiya qilindi, deb yozadi “RBK”.

Zondning asteroid bilan to‘qnashuvi Toshkent vaqti bilan 27-sentabr kuni 4:15 da yuz berdi.

“Vending apparati (avtomatik savdo qurilmasi) kattaligidagi kosmik kema futbol maydoni kattaligidagi Dimorfos asteroidi bilan muvaffaqiyatli ravishda to‘qnashdi, asteroid Yer uchun xavf tug‘dirmaydi”, — deyiladi NASA xabarida.

DART zondi datchiklar, antennalar, ionli dvigatellar, ikkita quyosh batareyasi va DRACO kamerasi (u orqali Yerga real vaqt rejimida tasvirlar yuboriladi) bilan jihozlangan, 600 kg og‘irlikka ega kub shaklidagi qurilmadir. Zondning tezligi soatiga 21 160 kilometrga yetadi. U 2021-yil noyabrida SpaceX kompaniyasining Falcon 9 eltuvchi raketasida uchirilgan edi.

Dimorfos asteroidi Yerga yaqin Didimos asteroid tizimida aylanib yuradi. Dimorfos Yer uchun xavfli emas, uning diametri 160 metrga teng.

Ushbu missiya maqsadi borib uriluvchi kosmik qurilma yordamida asteroidning parvoz trayektoriyasini o‘zgartirishdan iborat edi. NASA aniqlik kiritishicha, bu Yerni tashqaridan bo‘ladigan xavflardan himoya qilish uchun zarur. Mutaxassislar hisob-kitoblariga ko‘ra, agar Dimorfosning 12 soatlik orbitasini 73 soniyaga sekinlatishga muvaffaq bo‘linsa, bu to‘qnashuv muvaffaqiyatli kechgan deb hisoblaniladi.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Dunyo
Qozog‘istonda ikki yashar bola 11 ta magnitni yutib yubordi (foto)