Британиянинг янги монархи Чарльз III нинг тож кийиш маросими 2023 йил 6 май куни бўлиб ўтади. Букингем саройига таяниб, Meduza хабар берди.
«Букингем саройи шоҳ ҳазратларининг тож кийиш маросими 2023 йил 6 май шанба куни бўлиб ўтишини мамнуният билан эълон қилади», — дейилади қироллик қароргоҳи баёнотида.
Маросим Вестминстер аббатлигида бўлиб ўтади ва уни Кентербери архиепископи бошқаради.
Чарльз III билан биргаликда унинг рафиқаси Камиллага ҳам қиролнинг турмуш ўртоғи сифатида расман тож кийдирилади.