Санкт-Петербургда Россия ва Бирлашган Араб Амирликлари раҳбарлари Владимир Путин ва Муҳаммад ибн Зоид Ол-Наҳаённинг яккама-якка учрашуви бўлиб ўтди, деб ёзади «ТАСС».
«Дунёдаги бугунги муносабатларнинг мураккаблигига қарамай, Россия ва БАА ўртасидаги муносабатлар минтақада ва, айтиш мумкинки, бутун дунёда барқарорликнинг муҳим омили ҳисобланади», — дейди Путин БАА раҳбари билан юзма-юз учрашувда.
«Дипломатик муносабатларимиз ўрнатилган 50 йил давомида алоқаларимиз фақат юқорига қараб изчил ривожланди», — деди Россия Федерацияси президенти.
Россия Федерацияси ва БАА ўртасидаги икки томонлама муносабатлар ҳақида гапирар экан, у «жуда муваффақиятли ривожланаётгани»га эътибор қаратди. «Ўтган йили товар айирбошлаш ҳажмининг ўсиши (Украинадаги инқирозгача) 65 фоизни ташкил этган бўлса, бу йил барча қийинчиликларга қарамай, ўсиш давом этмоқда. Ўсиш ўтган йилгидек катта бўлмаса-да, лекин шунга қарамай 17 фоиз», — дея хулоса қилди Путин.
Эътиборни тортган яна бир жиҳат шундаки, Бирлашган Араб Амирликлари президенти Муҳаммад ибн Зайд Ол Наҳаён россиялик ҳамкасби Владимир Путин билан учрашувга Американинг Nike компаниясининг кроссовкалари ва пайпоқларида келди.
Изоҳ (0)