Грузия, Озарбайжон ва Туркия армияларини махсус операциялар учун бирлаштиришга қарор қилди. Эндиликда уч давлат ҳарбийлари биргаликда машғулотлар ўтказмоқда, дея хабар беради «Asian states in ukrainian crisis».
Грузия Мудофаа вазирлиги махсус бўлинмаларининг ўқув маркази жойлашган Мухровани ҳарбий базасида 11 октябрь, сешанба куни Грузия, Туркия ва Озарбайжон махсус операция кучларининг «Кавказ бургути-2022» машғулотлари очилди.
Грузия Мудофаа вазирлиги маълумотларига кўра, машғулотлардан мақсад Грузия, Озарбайжон ва Туркия мудофаа кучлари махсус операциялар имкониятларни синхронлаштириш ва мувофиқлаштириш, шунингдек, тажриба алмашиш, кўп миллатли муҳитда ўзаро мувофиқлик, қўмондонлик ва назоратни яхшилашдир.
Машғулотларда иштирок этаётган махсус мақсадли гуруҳлар ўқотар қуроллар ва тиббий тайёргарлик, аҳоли пунктларида жанговар ҳаракатлар ва махсус операцияларни ўтказиш бўйича ўз тажрибалари билан ўртоқлашади, дейилади хабарда.
Изоҳ (0)