Украина президенти Владимир Зеленский G7 мамлакатлари етакчиларининг онлайн учрашувида кескин нутқ сўзлади, деб ёзади «Apostrophe.ua».
Зеленский G7 давлатлари раҳбарларини Россиянинг амалдаги раҳбари билан ҳеч қандай мулоқот бўлиши мумкин эмаслиги борасидаги аниқ ҳақиқатни тан олишга чақирди, чунки Россия раҳбарининг ўзи Украинанинг йиллар давомида тинчлик музокараларини ўтказишга уринишларига қарамай, мулоқотни рад этган.
Террор — бу унинг дунёга, бошқа одамларга муносабати. «Катта еттилик» мамлакатлари етакчилари Путин билан ҳар қандай музокаралардан бош тортиши керак, чунки у фақат «террор ва ультиматумлар тилини» тушунади, — дейди Зеленский.«Катта еттилик» етакчиларига мурожаати чоғида Зеленский агар улар зарбалар, қирғинлар ва тинч аҳоли вакилларини ҳужум қилишдан кейин Путиннинг йўлини тўсмаса, жамият уларни қабул қилмаслигини таъкидлади.
Бутун дунё тушуниши керакки, мулоқот Россиянинг бошқа раҳбари билангина бўлиши мумкин. У БМТ низоми, инсонпарварлик ва Украинанинг ҳудудий яхлитлигини тан оладиган ҳамда террор орқали асосий қарорларга таъсир кўрсатадиган террорчи бўлмаслиги керак. Ҳозир биргина одам тинчликка тўсиқ бўлмоқда – бу одам эса Москвада, — дея қўшимча қилди Украина раҳбари.Бундан ташқари, Зеленский ўзини диктатор деб эълон қилган Александр Лукашенконинг ҳар қандай провокацияларини бартараф этиш учун Украинанинг Беларусь билан чегарасига халқаро кузатувчилар ёки тинчликпарвар кучлар миссиясини жойлаштиришни таклиф қилди.
Зеленский, шунингдек, Украинага берилган зарбаларга жавобан Россия энергетика секторига қарши санкциялар қўллашга ва Россиянинг асосий таҳдидини тўхтатиш учун Украинани етарли даражада ҳаво мудофааси билан таъминлашга чақирди.
Россия референдумлар ва Украина ҳудудини аннексия қилгани учун бутунлай изоляция қилиниши ва жазоланиши керак. Ҳозир бизда дипломатия учун имконият йўқ, чунки Россия раҳбари фақат террорга ишонади, — дейди Зеленский G7 раҳбарларига мурожаат қилиб.Эслатиб ўтамиз, Россия раҳбари Владимир Путин ва Украина президенти Владимир Зеленский Индонезиянинг Бали оролида бўлиб ўтадиган G20 саммитида иштирок этишлари мумкин.
Изоҳ (0)