Россия президенти Владимир Путиннинг айтишича, 10 октябрь куни эрталаб Украина шаҳарларининг ўққа тутилиши Керч бўғозидаги Қрим кўпригида содир бўлган портлашга жавоб бўлган.
Россия Хавфсизлик кенгашининг оператив йиғилишида сўзга чиққан президент Қрим кўпригида содир бўлган воқеани «Россиянинг фуқаролик, муҳим инфратузилмасини йўқ қилишга қаратилган теракт» деб таърифлади. У қўпорувчиликни ташкиллаштиришда Украина махсус хизматларини айблади.
Киев режими ўз ҳаракатлари орқали ўзини халқаро террористик тузилмалар, энг жирканч гуруҳлар билан бир даражага қўйди. Бундай жиноятларни жавобсиз қолдириб бўлмайди.Украина Қуролли кучлари Бош штаби маълумотларига кўра, 10 октябрь тонгида Россия қўшинлари Украина шаҳарларига 80 дан ортиқ ракета ташлаган, уларнинг ярми ҳаво ҳужумидан мудофаа тизимлари томонидан уриб туширилган. Украина расмийларининг хабар беришича, Киевнинг ўққа тутилиши оқибатида камида саккиз нафар тинч аҳоли ҳалок бўлган.Бугун эрталаб Мудофаа вазирлиги таклифи ва Россия Бош штабининг режаларига кўра, ҳаво, денгиз ва қуруқликдаги қуроллар ёрдамида Украинанинг энергетика, ҳарбий қўмондонлик ва алоқа воситалари объектларига юқори аниқликда йирик зарба берилди. Ҳудудимизда терактларни амалга оширишга уринишлар давом этса, Россиянинг жавоблари кескин ва миқёс жиҳатдан Россия Федерацияси даражасига мос бўлади, — деди Владимир Путин.
Изоҳ (0)