Россиялик олигархнинг мусодара қилинган яхтаси 37,5 миллион долларга сотилди
Гибралтар ҳукумати россиялик тадбиркор Дмитрий Пумпянскийга тегишли бўлган Axioma яхтасини сотди. Бу ҳақда «ТАСС» хабар бермоқда.
Agence France Presse агентлигининг Британия чет эл ҳудуди суд органларига таяниб хабар беришича, келишув 37,5 миллион долларга баҳоланган.
Яхта харидорининг исми ошкор этилмаган. Кимошди савдоси бошланишидан олдин ҳокимият 72 метрлик Мальта байроғи остидаги кеманинг потенциал харидорларидан 63 та таклиф олган.
Савдодан тушган маблағ, таъкидланганидек, Пумпянскийнинг кредиторларига товон тўлаш учун ишлатилиши режалаштирилган.
Гибралтар порт маъмурияти март ойида Буюк Британия ҳукумати Пумпянскийга қарши санкциялар жорий этишини эълон қилганидан кейин Axiomaни мусодара қилган.
Тахминий қиймати 65 миллион фунт стерлинг (77 миллион доллар) бўлган яхта Американинг JPMorgan банки талабига кўра мусодара қилинган, у Пумпянскийга тегишли Pyrene Investments банкдан 20 миллион доллар қарзи борлигини даъво қилмоқда.
