Rossiyalik oligarxning musodara qilingan yaxtasi 37,5 million dollarga sotildi

Gibraltar hukumati rossiyalik tadbirkor Dmitriy Pumpyanskiyga tegishli bo‘lgan Axioma yaxtasini sotdi. Bu haqda “TASS” xabar bermoqda.

Agence France Presse agentligining Britaniya chet el hududi sud organlariga tayanib xabar berishicha, kelishuv 37,5 million dollarga baholangan.

Yaxta xaridorining ismi oshkor etilmagan. Kimoshdi savdosi boshlanishidan oldin hokimiyat 72 metrlik Malta bayrog‘i ostidagi kemaning potensial xaridorlaridan 63 ta taklif olgan.

Savdodan tushgan mablag‘, ta’kidlanganidek, Pumpyanskiyning kreditorlariga tovon to‘lash uchun ishlatilishi rejalashtirilgan.

Gibraltar port ma’muriyati mart oyida Buyuk Britaniya hukumati Pumpyanskiyga qarshi sanksiyalar joriy etishini e’lon qilganidan keyin Axiomani musodara qilgan.

Taxminiy qiymati 65 million funt sterling (77 million dollar) bo‘lgan yaxta Amerikaning JPMorgan banki talabiga ko‘ra musodara qilingan, u Pumpyanskiyga tegishli Pyrene Investments bankdan 20 million dollar qarzi borligini da’vo qilmoqda.