Бугун,

  • USD 11095.31
  • RUB 173.84
  • EUR 10772.44

«Дарё» нашрининг YouTube’даги каналида таниқли хонанда Жаноб Расул билан суҳбат ташкил қилинди. Хонанда Дубайда олинган клипи унга қимматга тушиши ва YouTube’дан йилига 100 минг АҚШ доллари миқдорида даромад олиши ҳақида гапириб берди.

— Мен ўзимни қиммат пулга клип олдирадиган хонанда деб билмайман. Чунки Европада суратга олинаётган клипларни ҳам кузатиб бораман. Бизда улардек 300-400 минг АҚШ доллари сарфланадиган клиплар олинмайди. Менинг энг қиммат клипим «90-60» қўшиғига олинган. Унга умумий ҳисобда 30 минг АҚШ доллари сарфлаганман. Чунки Ўзбекистондан Дубайга 11 киши борганмиз, меҳмонхона харажатларидан ташқари, у ердан иккита оператор ёллаганмиз. Бундан ташқари, Дубай шаҳрида клип суратга олиш учун ҳам алоҳида пул тўланиши керак экан. Шунинг учун ҳам бу қўшиқнинг клипи менга анча қимматга тушган, — дейди хонанда Жаноб Расул.

Хонанда кўп маблағ сарфланган клипи сабаб кўплаб танқидларга учрагани ва нима учун унда очиқ саҳналардан фойдалангани ҳақида ҳам гапирди.

Фото: «Дарё»

Фото: «Дарё»

— Биринчи мақсадим шу клип орқали ўзбек қўшиқларини хорижликларга кўрсатиш бўлган. Мен «90-60» клипи орқали мақсадимга етдим. Чунки қўшиқни қозоқ, қирғиз, араб ва кавказлик хонандалар ўз тилига ўгириб ижро этишди. Шу боис клипда шундай кичик саҳнадан фойдаланганмиз. Менимча, қизнинг усти у қадар очиқ эмас. Чунки клипларимни нафақат катталар, балки ёш болалар ҳам томоша қилишади.Аслида бу саҳна суратга олинаётганидан хабарим бўлмаган. Клипни рус операторлари суратга олгани учун қизнинг усти бундан ҳам каттароқ очиқ бўлганди. «Бизда мумкин эмас, лицензиямдан айрилиб қолишни истамайман», деб графика ёрдамида очиқ саҳналарни ёптирганман, — дейди хонанда Жаноб Расул.

Хонанда миллий қўшиқлар ҳам яратгани, аммо ҳеч қандай натижага эришмаганини қуйидагича изоҳлади.

— Замонавий қўшиқлардан аввал мақом, турк ва ҳинд оҳангидаги қўшиқларни ижро этдим. Ҳатто соф ўзбекона клип ҳам суратга олдирганман. Аммо ҳеч қандай натижага эришмаганман.«90-60» клипи қанча танқидларга учраган бўлса ҳам YouTube’да энг кўп кўрилган клиплардан бири ҳисобланади. Уни нафақат Ўзбекистонда, Ўрта Осиё, Жанубий Корея, Москва ва АҚШда ҳам томоша қилишади. Назаримда, дунёга чиқиб олмагунга қадар миллий қўшиқлар билан уларнинг эътиборини тортиб бўлмайди. Шу боис ўзбек санъатини хорижда тарғиб қилишдан аввал уларнинг назарига тушиш керак, — дейди хонанда Жаноб Расул.

Хонанда YouTube’дан ойига қанча даромад топиши ва клипларининг кўп кўрилиш сабабини ҳам очиқлади.

— Қўшиқларим оддий сўзлардан иборат. У қандайдир маънони билдирмайди, фақатгина сўзлар кетма-кетлиги бир-бирига мос тушади. YouTube’дан йилига 100 минг доллар даромад оламан. Бу ойига 8 минг доллар дегани. Баъзан бу кўрсаткичлар ортиб кетади ёки бироз пасайиши ҳам мумкин. Ҳозирда YouTube’да энг кўп кўрилган клипим «90-60» ҳисобланади. У икки йилда 68 миллион марта кўрилган, — дейди хонанда Жаноб Расул.

Мавзуга доир:

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Дунё
Литвада ҳам рус тилини ўқитишдан воз кечиш таклиф қилинди