Уэльс маликасининг сўзларига кўра, шаҳзода Жорж энди катта бувиси қанчалик аҳамиятли инсон эканини тушунди, шаҳзода Луи эса нима бўлаётганини англашга бор кучи билан ҳаракат қилмоқда, деб ёзади «Правила жизни».
Қиролича Елизавета II нинг дафн маросими олдидан Ҳамдўстлик мамлакатлари генерал-губернаторлари учун уюштирилган йиғилишда Кейт Миддлтон ўзи ва шаҳзода Уильямнинг фарзандлари катта бувисининг ўлими учун қанчалик қайғураётгани билан ўртоқлашди.
Австралия генерал-губернатори Дэвид Херлининг сўзларига кўра, Уэльс маликасининг тўнғич ўғли, тўққиз ёшли Жорж энди катта бувиси қанчалик аҳамиятли инсон экани ва ҳозирда нима рўй бераётганини тушунган. Етти ёшли Шарлотта ва тўрт яшар Луи буни тушунишга ҳали кичкина.
Шунинг учун шаҳзода Луи ота-онасидан Balmoral қалъасига ёзги ташрифи худди аввалгидек бўлиши ҳақида сўраган. Болалар шундай саволлар бермоқда: «Сизнингча, биз Balmoralга борганимизда, у ерда бувим бўлмасалар ҳам, ҳамма ўйинларни ўйнай оламизми? — деди Херли.
Шотландиядаги Balmoral қалъаси қироллик оиласи учун анъанавий ёзги манзилдир. Бироқ бу йил қиролича Елизавета II соғлиғи ёмонлашгани сабабли у ердан Лондонга қайтиб кела олмади ва 2022 йил 8 сентябрь куни Букингем саройи унинг вафоти ҳақида эълон қилди.
2022 йил 19 сентябрь куни шаҳзода Жорж ва малика Шарлотта бувисининг дафн маросимида иштирок этди. Уэльс шаҳзодаси ва малика ўз фарзандлари маросимда бўлиши керакми ёки йўқлигини узоқ ўйлади (қироллик оиласининг бошқа фарзандлари, масалан, кенжа ўғли Луи уйда қолди).
Изоҳ (0)